I
Dddu primu di maju
la musica ntisi
di fora sunari,
e a l’omu vicinu
chi ancora durmia,
lu còtulu forti:
«Ca susiti, Turi,
la musica sona,
Li Causi vinni!»
E dissi a me figghiu:
«La còppula nova
stu jornu ti nzaju,
ca porta spiranza
lu primu di maju».
II
Grapivu la porta,
lu suli trasiu,
e tutta di russu
la casa jnchiu.
A 1’omu ci ngastu
un ciuri a l’acchettu;
lu vasu e l’abbrazzu
cu amuri e rispettu.
A patri e a figghiu
ci juncìu li manu:
«Li Causi parra,
curriti a lu chianu».
La coppula nova
me figghiu si misi.
«Evviva Barbatu!»
di fora s’intisi.
Mi parsi lu cori
scappari d'un latu,
isavu li vrazza;
«Evviva Barbatu!»
III
Poi ntisi sparari,
ddà supra, sparari;
di l’occhi un ci vitti,
mi misi a gridari
davanti la porta:
«Cummari! Vicini!
Di sangu nnuccenti
nni fannu lavini!»
E sdetti a muntata
ntra petti e ntra fossa
scurciannu cu spini
la carni di l’ossa.
Cadeva nn’arreri,
scappava abbuccuni,
cu manu c cu denti
faceva zappuni.
E scmpri acchianava,
lu cori vugghenti,
e vuci di matri
e fumu e lamenti.
Fu ddocu, ca vitti
lu figghiu ammazzatu:
mi parsi lu munnu
c’avissi scuppatu.
IV
Figghiu!
Ca pirchì t’ammazzaru,
quali mali facisti,
ci dicia:
tu eri na palumma,
di zuccaru e di meli.
Figghiu!
Tutta sangu sta facci!
Cu st’occhi lacrimusi
ti la vogghiu lavari:
pìgghiati lu me ciatu,
l’ultimu ca mi resta,
e grapi l’occhi ancora,
ca lùciri, li vogghiu
vìdiri n’àutra vota.
Figghiu!
A 1’alba comu prima
nun ti pozzu chiamari
e cunzari cu l’ogghiu
lu pani chi ti dava.
Figghiu!
Jornu nun spunta mai
di ti lassari sulu.
Quannu tu fai caminu
iu sugnu appressu a tia,
unni tu dormi
mi fazzu cuscinu
e li me vrazza
su la to cummogghia,
unni tu trasi iu trasu,
e siddu focu avvampa,
iu mi ci avventu supra,
e si ci sunnu spini,
iu mi li mettu ncoddu,
e siddu chiantu sbutta
lu cori miu l’assuppa.
O figghiu miu d’amuri,
la to còppula nova,
eterna ora ti servi
pi lu viaggiu longu.
Dddu primu di maju
la musica ntisi
di fora sunari,
e a l’omu vicinu
chi ancora durmia,
lu còtulu forti:
«Ca susiti, Turi,
la musica sona,
Li Causi vinni!»
E dissi a me figghiu:
«La còppula nova
stu jornu ti nzaju,
ca porta spiranza
lu primu di maju».
II
Grapivu la porta,
lu suli trasiu,
e tutta di russu
la casa jnchiu.
A 1’omu ci ngastu
un ciuri a l’acchettu;
lu vasu e l’abbrazzu
cu amuri e rispettu.
A patri e a figghiu
ci juncìu li manu:
«Li Causi parra,
curriti a lu chianu».
La coppula nova
me figghiu si misi.
«Evviva Barbatu!»
di fora s’intisi.
Mi parsi lu cori
scappari d'un latu,
isavu li vrazza;
«Evviva Barbatu!»
III
Poi ntisi sparari,
ddà supra, sparari;
di l’occhi un ci vitti,
mi misi a gridari
davanti la porta:
«Cummari! Vicini!
Di sangu nnuccenti
nni fannu lavini!»
E sdetti a muntata
ntra petti e ntra fossa
scurciannu cu spini
la carni di l’ossa.
Cadeva nn’arreri,
scappava abbuccuni,
cu manu c cu denti
faceva zappuni.
E scmpri acchianava,
lu cori vugghenti,
e vuci di matri
e fumu e lamenti.
Fu ddocu, ca vitti
lu figghiu ammazzatu:
mi parsi lu munnu
c’avissi scuppatu.
IV
Figghiu!
Ca pirchì t’ammazzaru,
quali mali facisti,
ci dicia:
tu eri na palumma,
di zuccaru e di meli.
Figghiu!
Tutta sangu sta facci!
Cu st’occhi lacrimusi
ti la vogghiu lavari:
pìgghiati lu me ciatu,
l’ultimu ca mi resta,
e grapi l’occhi ancora,
ca lùciri, li vogghiu
vìdiri n’àutra vota.
Figghiu!
A 1’alba comu prima
nun ti pozzu chiamari
e cunzari cu l’ogghiu
lu pani chi ti dava.
Figghiu!
Jornu nun spunta mai
di ti lassari sulu.
Quannu tu fai caminu
iu sugnu appressu a tia,
unni tu dormi
mi fazzu cuscinu
e li me vrazza
su la to cummogghia,
unni tu trasi iu trasu,
e siddu focu avvampa,
iu mi ci avventu supra,
e si ci sunnu spini,
iu mi li mettu ncoddu,
e siddu chiantu sbutta
lu cori miu l’assuppa.
O figghiu miu d’amuri,
la to còppula nova,
eterna ora ti servi
pi lu viaggiu longu.
×