Lu sicilianu è ‘nta tuttu ‘u munnu,
ppi travagghiari sempri va girannu;
lu zingaru ‘un nn’è cchiù lu gitanu,
ma è lu calabrisi, è lu sicilianu.
Nascivi ‘nta sta terra fatta a tri pizza,
sugnu costretto a l’emigrazioni,
vajiu campannu di umiliazioni,
e dunni arrivu mi mettinu la cavizza.
Ma ora p ‘un mi fari cchiù emigrari
l'industrie ‘nta sta terra vonnu fari,
ma cu li ciminii, fumu e munnizza
mi porterrannu ccà la me cavizza.
E di quant’ havi ca esisti lu munnu
chi ‘nta sta terra c’è un boia tirannu,
ma ora ca li tempi su’ canciati,
li boia si su’ moltiplicati.
Chissa è ‘na terra ca nni duna aranci,
chissa è ‘na terra ca nni duna vinu,
si nni po’ fari un beddu jardinu,
ma cca cu havi li guai si li chianci.
No, nun criditi a chiddu ca si dici,
ca cu l’industrie si campa filici.
Guardati Gela, su’ ‘ndustrializzati,
sunnu aumentati i disoccupati.
Chista è la sorti ddi lu siciliano
ca a tutti i banni chiamanu gitanu.
ppi travagghiari sempri va girannu;
lu zingaru ‘un nn’è cchiù lu gitanu,
ma è lu calabrisi, è lu sicilianu.
Nascivi ‘nta sta terra fatta a tri pizza,
sugnu costretto a l’emigrazioni,
vajiu campannu di umiliazioni,
e dunni arrivu mi mettinu la cavizza.
Ma ora p ‘un mi fari cchiù emigrari
l'industrie ‘nta sta terra vonnu fari,
ma cu li ciminii, fumu e munnizza
mi porterrannu ccà la me cavizza.
E di quant’ havi ca esisti lu munnu
chi ‘nta sta terra c’è un boia tirannu,
ma ora ca li tempi su’ canciati,
li boia si su’ moltiplicati.
Chissa è ‘na terra ca nni duna aranci,
chissa è ‘na terra ca nni duna vinu,
si nni po’ fari un beddu jardinu,
ma cca cu havi li guai si li chianci.
No, nun criditi a chiddu ca si dici,
ca cu l’industrie si campa filici.
Guardati Gela, su’ ‘ndustrializzati,
sunnu aumentati i disoccupati.
Chista è la sorti ddi lu siciliano
ca a tutti i banni chiamanu gitanu.
×