Originale | Versione italiana |
CANZUNI ADDINUCCHIATA | CANZONE INGINOCCHIATA (ALFIA) |
| |
L'armuzza di me matri mi lassàu | La buonanima di mia madre non mi lasciò |
sgravata dô piccatu da me carni | forse priva del peccato originale |
mancu 'u vattìu ci potti e m'arristàu | non valse neanche il battesimo -mi restò |
'a curpa ca purtava supra ê spađđi | sulle spalle la colpa che ho scontato.. |
| |
Ancunicchiàta sutta la currìa | Ricurva sotto la frusta |
'a peđđi m'allisciàunu a tumbulati | mi lisciavano la pelle a suon di schiaffi |
Santa Maria s'havìa scurdatu 'i mìa | anche la Madonna di me s'era scordata |
sutta ê patèđđi cìciri caliati | sotto patelle e ceci brustoliti |
| |
Assammaràva c'aveva deci anni, | Tuffavo i panni in acqua che avevo dieci anni, |
malu mistèri ha statu 'a lavannàra | brutto mestiere è quello della lavandaia |
beđđi dinocchi ci lassàj ê petri | belle ginocchia li lasciai alle pietre |
'i manu s'annïàru 'nta ciumàra | le belle mani svanirono nella fiumara.. |
| |
Finíu la guerra e s'accapàu l'amuri | Finì la guerra e si concluse anche l'amore |
ô friddu era e 'u friddu sû purtàu | era su al freddo e se lo portò via il freddo |
ju m'anciccàva 'nterra pi prïàri | io mi prostravo a terra per pregare |
ma menzu 'a nivi 'a nivi sû curcàu... | ma nella neve con la neve lui si giacque. |
| |
Doppu vint'anni ancora a dinucchiùni | Dopo vent'anni ancora inginocchiata, |
calàta p'arricògghiri 'i frastuchi | china a raccogliere pistacchi |
calàva 'u suli e ju non m'addizzava | il sole tramontava ma io non mi raddrizzavo |
'u jarmu dô camperi mi vuleva | il perverso guardiano mi desiderava... |
| |
Carrabbinera trasi 'a morti 'n casa | Come i carabinieri giunse la morte in casa |
Santa Maria s'arrïurdàu di mìa | la Madonna si è ricordata alfine di me |
cunortu fu me matri ciaurùsa | avvisai la presenza di mia madre |
nun lassu nenti e nuđđu sdillanìa | non lascio niente così nessuno si dispiace.. |
| |
Dintra ô tabútu ô scuru 'un haju abbèntu | Ma dentro alla bara al buio non dormo in pace |
nun haju piacìri a stari stinnicchiata | non sto comoda a starmene distesa |
è 'a prima vota e cu mi l'hav'a diri | è la prima volta, e chi me lo deve dire? |
calàtimi nta fossa addinucchiàta, | Calatemi nella fossa inginocchiata, |
è 'a prima vota e cu mi l'hav'a diri | è la prima volta, e chi me lo deve dire? |
calàtimi nta fossa addinucchiàata,... | Calatemi nella fossa inginocchiaata... |