a. Tammurriata de pummarole
Dint' 'a linea 'e pummarole
Fà calore ca se more
Sott' 'o sole 'e 'sti birbanti
Je m'ò faccio 'o mazzo tanto
(Je m'ò faccio 'o mazzo tanto)
Sona, sona 'sta grancascia
Chest'è ll'ora ca s'accascia
Je 'a fatica me la faccio
Ma tu 'e sorde nun 'e caccie
(Ma tu 'e sorde nun 'e caccie)
Vott', vott' viento 'e terra
Ca 'e fenucchie je ll'atterra
Si và bbona 'sta vernata
Me guadagno la jurnata
(Me guadagno la jurnata)
Quanno vene 'a sanzaria
A me me vene 'a pucundria
Mo' lle dico a 'sti fetienti:
"Nun ve dongo proprio niente"
(Nun ve dongo proprio niente)
È venuta 'na sunata
E 'o cumune s'è occupato
Chist'è 'o tiempo e chist'è 'o tiempo
P'ò paese 'e nu fermiento
(P'ò paese 'e nu fermiento)
Songo 'e fabbriche 'nzerrate
Mmiez' 'a simmo fernuti
Operai e contadini
Tutti quanti a prutestà
(Operai e contadini
Tutti quanti a prutestà)
b. 'A cantata de maccarune
Venite, venite, uommene gruosse e guagliune
Chest'è 'a cantata d'e maccarune
Steva 'na vota 'na pacchianella
'Ncopp' 'a buatta 'e pummarulella
Ch' 'e cuglieva una pè una
Pè 'na magnata 'e maccarune
(Pè 'na magnata 'e maccarune)
Steva 'na vota 'nu parrucchiano
Ca se teneva 'na bella vammana
Tosta, 'mpicciosa, carnale e bruna
Pè 'na magnata 'e maccarune
(Pè 'na magnata 'e maccarune)
Steva 'na vota 'na femmena 'e vita
Ca 'mpont' 'o naso tenev' 'o prurito
Lassav' 'e cliente dint' 'o cchiù bello
P' 'o maccarone c' 'a pummarulella!
(P' 'o maccarone c' 'a pummarulella!)
Venite, venite, uommene gruosse e guagliune
Chest'è 'a cantata d'e maccarune
Steva 'na vota nu piscatore
Ca piscava a tutt' ll'ore
Jettava spigole, orate e mazzune
Pè 'na magnata 'e maccarune
(Pè 'na magnata 'e maccarune)
Steva 'na vota 'o capo camorra
Nu piezzo d'ommo, pareva 'na torre
Nun'a faceva 'bbon' 'a nisciuno
Pè 'na magnata 'e maccarune
(Pè 'na magnata 'e maccarune)
Steva 'na vota 'na guardia a cavallo
Ca jeve zuoppo pè via d' 'o callo
Perdeva 'e meglie mariuncelle
P' 'o maccarone cu 'e pummarulelle
(P' 'o maccarone cu 'e pummarulelle)
Venite, venite, uommene gruosse e guagliune
Cheste sò state 'e mazzate pe' 'e maccarune e p'a pummarola
Ll'ata matina a San Marzano
Venettero 'e guardie, scuppette a la mano
E all'intrasatto, senza parole
Scuppiaje 'a guerra d' 'e pummarole
Venetteno 'o sinneco, 'o marisciallo
Venetteno pure 'e guardie a cavallo
Venette 'o padrone cu 'o figlio e 'a mugliera
Fuje tutta 'na folla, pareva 'o culera!
'Nzieme assuciaino cu 'o capitano
Mentre 'e guardie, scuppette a la mano
Se fruntiggajeno cu' 'e cuntadine
Cu' parzunale d' 'e terre vicine
'O capitano dicette c' 'a legge
È fatta sulo pè chi non legge
E 'o maccarone cu 'a pummarola
S'o mangia sulo chi ten' 'a scola
"Pirciò facite bon' attenzione
Si chist'è 'o fatto, chest'è 'a strazione
Il che vuol dire, in poche parole
Ch'è perz' 'o zito cu 'a pummarola!"
'A femmena 'e chiesa e 'o marisciallo
Financ' 'o sinneco e 'a guarda a cavallo
'O zappatore, 'a sarta e 'o trattore
'O capo camorra cu 'o piscatore
'A femmena 'e chiesa e 'o scarpariello
Fenettero 'nchiuse dint' 'e cancelle
Ce fuje nu sparo, 'na botta 'a diuno
Carette nu ninno, figlio 'e nisciuno
Trammiaje 'a folla, s'arrezzeje 'a pelle
Muorto era 'o ninno de' 'e pummarulelle!
Venite, venite, uommene gruosse e guagliune
Chest'è 'a cantata d'e maccarune
Ca 'nzieme 'e pummarole è 'na cosa troppa sapurita
Ma 'sti birbanti 'e padrune 'nce 'a vonno fà scurdà
E già l'anno passato facettero schiattà d'e tratturi
Quintali e quintali 'e pummarole
Quand' pò 'nce sta tanta ggente ca sta rrobba 'o desidera
Ma lloro pè nun pavà 'o justo prezzo ca chiedono 'e contadini
Fann' primm' 'o tir' e moll' e pò decidono d'e fà schiattà
Provocann' sia 'e cuntadini ca ll'ati operai
Ca sò custrett' 'a accattarse 'a rrobba add' 'a Standa
Pavannola dieci volte 'e cchiù 'o prezzo ca danno a chi 'o produce
'Sta speculazione addà fernì
'A rrobba nun s'addà jettà e 'e prezz' hanna 'avascià!
×
![]()
