Lingua   

L’amanti miu

Francesco "Ciccio" Giuffrida
Lingua: Siciliano



L’amanti miu è asta di bannera ‎
‎‘n principi nun ci pò stari alla para; ‎
e quannu nesci di intra la pirrera ‎
è capitanu di li surfarara. ‎
Po’ quannu sbota di la cantunera ‎
mi scordu di la vita quant’è amara; ‎
rapu la porta addumu la lumera, ‎
l’amanti miu ‘nti mia s’arripara. ‎

Scordati beni miu ’dda tana scura ‎
veni ‘nta li me razza di massara; ‎
scordati di lu cauru e di l’arsura ‎
di l’acqua puzzolenti e dâ limara; ‎
chinu di pruvulazzu e di surura ‎
iu t’arrifriscu ccu la me quartara.‎


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org