Lingua   

Un’arbor’e pache

Piero Marras
Lingua: Sardo



Cherimus un’arbor’e pache
un’arbor’e sole caente
nol’imbias un’arbor’e luna?
cherimus un’arbor’e luche
beranile, bestiu ‘e lentore
chin chentu puzones nidande

Naran jocande sos chimbe orfaneddos
chin candida boche de nibe
sos chimbe orfaneddos locande

O puru una machina ‘e sole
chi fravichet mizzas d’isteddos
pro los dare a sa notte nighedda
cando apperin sa janna sos tronos

Naran jocande sos chimbe orfaneddos
chin candida boche de nibe
sos chimbe orfaneddos jocande

Dego cherjo sa pache ‘e su pane
dego cherjo s’amore ‘e su bentu
dego cherjo una tanca frogia
dego chentu chitarras sonande


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org