Ij fòi-fotù
La Lionetta“El liber del mond” | |
EL LIBER DEL MOND Cosa vnive a rompme i tapari Con d'bei test e d'bei precet? Per d'sentense filosofiche Fina Orcorte a n'a d'vaset. Sui barbis d'Platon e d'Seneca Giù da sì j'eu sempre vdù Sgambitè dsour na gran sotola Na gran rassa d'foi-foutù. Chi pi savi che Aristotile ? Pi eloquent che Ciceron? Ma, lodand le rave e i brocoli A mangiavo d'sturion. A fasìo Timon e Diogene I filosof patanù, Ma tra 'l cinich e 'l misantropo J'era ‘l porch e ‘l fol-foutù. Deurve mach la prima pagina D'coul gran liber ambroujà, Che ans'la terra e che ans l'oceano Domne Dei a l'a stampà: Pi lo guarde, pi lo medite, Pi lo volte 'n su e 'n giù, Pi v'acorse d'esse d'racole, Pi v'conosse d'foi-foutù. Da una part i' vedde d'nuvole D'pciti popol, d'pciti re, Ch'as ciapulo, ch'a s'anichilo, E saveissne almanch perchè ! El furour as ciama gloria, El delit as dis virtù E l'onour a pianta fabrica Da bindei pr'i foi-foutù. Con un'aria diplomatica Guardè coui del portafeui Con la saussa dla politica A fé 'l balsam d'ogni ambreui. L'onestà, la fede pubblica L'an venduie al feramiù, E a distilo 'l ben dla patria Al lambich di foi-foutù. Gran maestri d'serimonie, Gran scudè, gran ciamberlan, Coui dia crous ch'a smia n'etcetera, Coui dla ciav sul fabrian, Gent ch'mangrìo la polpa e ‘l scheletro D’Padre Eterno bel-e-crù, Gent ch'a vivo, angrasso e prospero Del sudor di foi-foutù. Con la boeta dle fandonie Ch'a smaltisso ai pè d'l'altar Coui dla stola, coui dla mitria Fan del trono i paracar: Per doui sold lour a santifico Fina i corni d'Belzebù, E a na fan una reliquia Ch'a berlico i foi-foutù. Con la toga fodrà d'proroghe, Con la pruca angavgnà d'test. Guardò là j'eroi del codice, J'Alessandri del Digest: Con el peis d'Ulpian e d'Bartolo Lour a vendo al gross e al mnù E a dispenso la giustissia Tant al rub ai foi-foutù. Guardè là sucrand le pillole Con el sugh d'quaich bel discours, Coui ch'a mostro 'l pnass dla pecora Per stermè le grinfe dl'ours: Che pr'un titol, pr'una carica A farìo l’erbo forchù, Che con d'pleuje da Temistocli A son sciume d'foi-foutù. A la mort, o povri bipedi, Voi ch'i marcie e grand e pcit Del gran viage sul convoglio Guardè sì lo ch'a j'è scrit: « Da Turin a Filadelfia, « D'ant l'Egit ant el Perù, « Coust bel mond a l'è un seraglio « D'ciarlatan e d'foi-foutù ». Nelle Carceri correzionali, 22 aprile 1831. | Cosa vnive a rompme i tapari Con d'bei test e d'bei precet? Per d'sentense filosofiche Fina Orcorte a n'a d'vaset. Sui barbis d'Platon e d'Seneca Giù da sì j'eu sempre vdù Sgambitè dsour na gran sotola Na gran rassa d'foi-foutù. Chi pi savi che Aristotile ? Pi eloquent che Ciceron? Ma, lodand le rave e i brocoli A mangiavo d'sturion. A fasìo Timon e Diogene I filosof patanù, Ma tra 'l cinich e 'l misantropo J'era ‘l porch e ‘l fol-foutù. Deurve mach la prima pagina D'coul gran liber ambroujà, Che ans'la terra e che ans l'oceano Domne Dei a l'a stampà: Pi lo guarde, pi lo medite, Pi lo volte 'n su e 'n giù, Pi v'acorse d'esse d'racole, Pi v'conosse d'foi-foutù. Da una part i' vedde d'nuvole D'pciti popol, d'pciti re, Ch'as ciapùlo, ch'a s'anichilo, E saveissne almanch perchè ! El furour as ciama gloria, El delit as dis virtù E l'onour a pianta fabrica Da bindei pr'i foi-foutù. Con un'aria diplomatica Guardè coui del portafeui Con la saussa dla politica A fé 'l balsam d'ogni ambreui. L'onestà, la fede pubblica L'an venduie al feramiù, E a distilo 'l ben dla patria Al lambich di foi-foutù. Gran maestri d'serimonie, Gran scudè, gran ciamberlan, Coui dia crous ch'a smia n'etcetera, Coui dla ciav sul fabrian, Gent ch'mangrìo la polpa e ‘l scheletro D’Padre Eterno bel-e-crù, Gent ch'a vivo, angrasso e prospero Del sudor di foi-foutù. Con la boeta dle fandònie Ch'a smaltisso ai pè d'l'altar Coui dla stòla, coui dla mitria Fan del tròno i paracar: Per doui sold lour a santifico Fina i corni d'Belzebù, E a na fan una reliquia Ch'a berlico i foi-foutù. Con la toga fodrà d'proroghe, Con la pruca angavgnà d'test. Guardè là j'eroi del codice, J'Alessandri del Digest: Con el peis d'Ulpian e d'Bartolo Lour a vendo al gross e al mnù E a dispenso la giustissia Tant al rub ai foi-foutù. Guardè là, sucrand le pillole Con el sugh d'quaich bel discours, Coui ch'a mostro 'l pnass dla pecora Per stermè le grinfe dl'ours: Che pr'un titol, pr'una carica A farìo l’erbo forchù, Che con d'pleuje da Temistocli A son sciume d'foi-foutù. A la mort, o povri bipedi, Voi ch'i marcie, e grand e pcit Del gran viage sul convoglio Guardè sì lo ch'a j'è scrit: « Da Turin a Filadelfia, « D'ant l'Egit ant el Perù, « Coust bel mond a l'è un seraglio « D'ciarlatan e d'foi-foutù ». |