Originale | Nuova versione in "Appunti Partigiani"
|
AL DIEVEL (LA MARCIA DEL DIAVOLO) | AL DIEVEL |
| |
In dla basa svein a Curès | In dla basa svein a Curès |
andom a pianter di èlber. | andom a pianter di èlber. |
Dop quarant'an e des ed galera | Dop sinquant'an e des ed galera |
un om l'è ste tolt dal fang | un om l'è ste tolt dal fang. |
| |
E tòti cal pianti ch'i posen servir | E tòti cal pianti ch'i posen servir |
a der a c'l om là al respir. | a der a c'l om là al respir. |
C'al posa campèr duseint an incàra, | C'al posa campèr duseint an incàra, |
una volta lèber dal suspet. | una volta lèber dal suspet. |
| |
C'al veint e i usèe i posen purter | C'al veint e i usèe i posen purter |
luntan al paroli ed la veritèe, | luntan al paroli ed la veritèe, |
c'as sapia in gir che c'l om là l'è ste | c'as sapia in gir che c'l om là l'è ste |
un dievel sol p'r i tedèsc. | un dievel sol p'r i tedèsc. |
| |
E se po' un quelch'dun dop al dumèla | E adèsa c'a sòmm in dal dumèla |
l'andrà incàra a tac a sta storia | e a s'va incàra a tac a sta storia |
cuntela bein ai vostr anvòo | cuntela bein ai vostr anvòo |
la vicenda del Comandante Diavolo. | la vicenda del Comandante Diavolo. |
| |
Un om c'l'a ciapè al colpi d'un èter | Un om chi an vlùu a tut i cost cundanèr, |
perché a'n vliva mia fer la spia. | perché l'era un esèmp per chi èter. |
A gh'è ches cl'ava pèrs quel in dal cor, | A gh'è ches cl'ava pèrs quel in dal cor, |
ma mai dal partigian al curàg. | ma mai dal partigian al curàg. |
| |
C'al veint e i usèe i posen purter | C'al veint e i usèe i posen purter |
luntan al paroli ed la veritèe, | luntan al paroli ed la veritèe, |
c'as sapia in gir che c'l om là l'è ste | c'as sapia in gir che c'l om là l'è ste |
un dievel sol p'r i tedèsc. | un dievel sol p'r i tedèsc. |