| Originale | Versione italiana dal sito dell'autore |
| CASTIADAS | CASTIADAS |
| | |
| Cando in Austu ‘nde sun isbarcados | Il giorno di agosto in cui sono arrivati |
| pariat su mare una tàula lada | il mare sembrava una tavola piatta |
| e luego cun s’àncora ghetada | e come fu gettata l’ancora |
| mannu est s’ispantu de sos cundennados. | grande fu lo spavento dei condannati. |
| | |
| Abbaidende su sartu totu a inghìriu | Nell’osservare il territorio tutt’intorno |
| S’asprore ’e sa natura, su martìriu | l’asprezza della natura, il martirio. |
| fit “badde ‘e su diàulu” nomenadu | “La valle del diavolo”, così venne chiamato |
| su logu solianu ’e disisperu. | questo luogo solitario di disperazione. |
| | |
| E fadigosu a bi campare abberu | Un luogo pericoloso e in cui è difficile vivere |
| e malu puru pro cuss’inserradu | e soprattutto per quel recluso |
| chi depiat iscontare cun dolore | che doveva scontare con dolore |
| totu sa pena in “Caienna Minore”. | tutta la pena in quella “piccola caienna”. |
| | |
| Ispuntat su sole in Castiadas | Spunta il sole a Castiadas, |
| a bellu a bellu de su monte a palas | piano piano alle spalle del monte. |
| sos mortos non sun mortos indebbadas | I morti non sono morti invano |
| ca sanadu an sas terras impestadas. | poiché a loro si deve la bonifica del territorio. |
| | |
| Nàschida es’ cun s’intentu printzipale | È nata col principale intento di redimere |
| de luire mortores arestados | gli assassini più crudeli |
| cun su laore in sos sartos lantados | con il lavoro nei campi feriti |
| sa prus manna colónia nazionale. | la più grande colonia della nazione. |
| | |
| Ma non sun mortos totus de malària | Ma non son morti tutti di malaria |
| inoghe tra paúle e arenària | qui fra paludi e arenaria |
| amus intesu de sos presoneris | abbiamo sentito di galeotti |
| mortos umpare in sa tzella iscurosa. | morti tutti insieme nella “cella nera”. |
| | |
| Connota menzus “de sos bios sa losa”, | Meglio conosciuta come “sepolcro dei vivi” |
| non b’intraian mancu sos basseris | non voleva entrarci nemmeno il pulitore di cessi, |
| in s’abba mala che sutzu ’e latórighe | annegati come topi, palla al piede, |
| balla a su pê, annegados che sórighes | nell’acqua tossica come lattice di euforbia. |
| | |
| Ispuntat su sole in Castiadas | Spunta il sole a Castiadas, |
| a bellu a bellu de su monte a palas | piano piano alle spalle del monte. |
| sos mortos non sun mortos indebbadas | I morti non sono morti invano |
| ca sanadu an sas terras impestadas. | poiché a loro si deve la bonifica del territorio. |
