Scots callan’ o’ bonnie Dundee
Robert BurnsOriginale | Il testo pubblicato nello Scots Musical Museum, Vol 1, 1787 è... |
SCOTS CALLAN’ O’ BONNIE DUNDEE O, whaur gat ye that hauver-meal bannock (1)? O, silly blind body, o, dinna ye see? I gat it frae a brisk sodger laddie (2), Atween Saint Johnstone(3) and Bonnie Dundee. O, gin I saw the laddie that gi’ed me’t, Aft has he doudl’d me upon his knee. May heaven protect my bonnie Scots laddie, And send him in safe tae his baby and me. My heart has nae room when I think on my laddie, His dear rosy haffets bring tears tae my een. And oh! He’s awa, and I dinna ken whaur he’s (4)- He’s awa frae his lassie and Bonnie Dundee. O, light be the breeze around him saftly blawin, And o’er him sweet simmer still blink bonnilie, May the rich dews o’plenty, around him wide fa’in, Prevent a’ his fears for his baby and me! My blessings upon that sweet wee lippie! My blessings upon that bonnie ee-brie! Thy smiles are sae like my blythe sodger laddie, Thou’s aye the dearer and dearer tae me. And I’ll big a bower on yon green bank sae bonnie, That’s lave’d by the waters o’ Tay wimplin’ clear, And cleed thee in tartans, my wee smiling Jonnie, And mak thee a man like your daddie dear. | SCOTS CALLAN’ O’ BONNIE DUNDEE ' O, whar gat ye that hauver-meal bannock?' ' Silly blind body, O, dinna ye see? I gat it frae a young, brisk sodger laddie Between Saint Johnston and bonie Dundee. O, gin I saw the laddie that gae me't! Aft has he doudl'd me up on his knee: May Heaven protect my bonie Scots laddie, And send him hame to his babie and me! My blessin's upon thy sweet wee lippie! My blessin's upon thy e'e-brie! Thy smiles are sae like my blythe sodger laddie, Thou's aye the dearer, and dearer to me! But I'll big a bow'r on yon bonie banks, Whare Tay rins wimplin' by sae clear; An' I'll cleed thee in the tartan sae fine, And mak thee a man like thy daddie dear. |
(2) “I gat it frae a bonny Scots callan'”
(3) Saint Johnstone= Perth
(4) forse è uno scozzese ribelle che ha partecipato alla Jacobite Rising e ora è esule