| 3a. Il testo originale in Sami Meridionale (versione alternativa)
3a.... |
SAEMIEJ LAAVLOME | SAEMIE EATNEMEN VUELIE |
| |
1. Nuelesne dan elmien jissien | 1. Noerthenaestiej gijken nueliem |
vååjnesh saemiej eatneme lea. | soejmi Saemielaante jæjhta: |
Vaeriej duekesne guevtelh vaajjah, | Vaerieh vaeriej duekieh vååjnoeh, |
våaroen tjielke jaevrieh vååjnoeh. | jaevrieh jaevriej dubpielisnie. |
Dalvesh, vaerieh, vaartoeh, vuemieh | Elmien vøøste vaartoeh, aesieh |
alnadahkh elmeden vööste. | lokngesieh jih vitnededtieh. |
Johkh vijtjeldieh vuejtieh sjuvvieh. | Johkh jih skåakh jis bursieh, sjuvvieh, |
Vaartoeh, gaejsieh, njiemehtje-spaenjieh | kraevies praare baektienjuanah |
tjåadtjoeh vøøste mearoem. | saelhtietjaetsiem dåastoehtieh. |
| |
2. Daelvege goss' vähtjadahke | 2. Garre daelvien biegke, baajkoe, |
tjuatsa, elmie, gåaltoeminie. | værtoe, væhtjedh, vesties hovme. |
Läjhkan saemien-boelve eahtsa | Saemien såelien gåetiedjaveh |
jijtse barkoeh, årroeh-sijjieh. | darhke saemien vaajmoen lihke. |
Fealadäjjam aske tjuavka, | Fealadæjjan baalkah tjuevkieh, |
goeksegh buelieh, naestieh gijkieh. | aske, goeksegh, naestieh gijkieh. |
Bovtsen kraaje sermiej sisnie, | Stråmhpoej sisnie golvoe råavka, |
jaevrieh vaegkieh govloeh sjuevvieh, | johke sjåvva, baaroeh bursieh, |
gierehtsh råantjoeh daelvege. | gierehtsh daelvie-baalkine. |
| |
3. Giesege goss' biejjie guaka | 3. Gosse giesiebiejjie guaka, |
vaerieh vuejtieh jaevrieh klienjieh. | vaerieh, vaartoeh, saelhtiegaedtieh. |
Mearoeh jaavretjh, baaroeh guedtieh, | Gøølijh gullieklienjedahken |
klienjesne dah gøølijh vååjnoeh. | soejmi saelhtieh, sovvenh suvkieh. |
Tjaetsien-ledtieh dah aaj klienjieh, | Tjaebpies tjaetsieledtieh klienjieh, |
johkh goh silph dah vååjnoeh gelkieh. | johkh goh silpejeanoeh vååjnoeh. |
Aajroeh klijkieh aajroeh klienjieh, | Staahkoeh vååjnoeh, aajroeh gijkieh. |
almetjh aavoen almetjh juejkieh | Almetjh laavloen vuelkieh sovken, |
stoerre jeanoem våålese. | garseraejkiem, sovvenh, johkh. |
| |
4. Saemien eatneme jih saemieh | 4. Saemielaanten såeliej maadtoe |
eah leah annje jaavoelamme. | jijnjem ååjseme dan guhkiem. |
Fåjjoeh tjuvrieh åesiestäjjah | Tjuvrieh, vesties gærroedæjjah, |
faelskies skaejhvieh skaehtie-fåvhtah. | faelskies skaehtie-kriebpesjæjjah. |
Vyörtegs veaksehks saemien boelve! | Aavodh, – nænnoes saemien såelie! |
Vyörtegs raffies saemien boelve! | Aavodh, – raeffien roehtsen dålle! |
Ij naan dåara saemiej gaskem, | Idtjin saemieh gåessie dåaroeh |
ij naan virre galkasovveme. | ij leah gåssie saemiej luvnie |
Raeffie saemien boelvesne. | viellen virre varrteme. |
| |
5. Dovletje lea mijjen maadtoe | 5. Maadtoen vieksiesvoeten gaavhtan |
miedtiejidie baajhtestamme. | vesties vuekie tjoeri tjijtedh. |
Mijjieh aaj, viellh vuastalibie | Mijjeh dovne vuastalibie, dejtie |
vueliedäjjah tjimkes-laakan! | gieh edtjieh mijjem dibledh. |
Biejjien baerniej veaksehks maadtoe! | Biejjien baerniej vieksies maadtoe! |
Eah edtjh datnem fäjjoeh nåhkehtidh, | Ih galkh gåessie ååjsehtalledh |
jis geehth jijtjedh gullie-gielem, | gosse gielem buektehth geehtedh, |
måjhtah maadtoen bihkedassem: | aahkaj aajjaj baakoeh mujhtedh: |
Saemien eatneme saemide! | Saemien dajveh saemide! |