A canzona di u trenu (o U trenu di Bastia)
Maria Felice MarchettiOriginale | La versione parodistica dello chansonnier e umorista corso Austinu... |
A CANZONA DI U TRENU (O U TRENU DI BASTIA) U trenu chì và in Bastia Hè fattu per li signori ; Pienghjenu li carritteri Suspiranu li pastori ; Per noi altri osteriaghji Sonu affani è crepacori. Anghjulì lu mio Anghjulinu Pensatu n’aghju una cosa, Quand’ellu passa lu trenu Tirali una mitragliosa, È li sceffi chì sò nentru Voltali à l’arritrosa. Ci vogliu piazzà un forte In paese di Cervioni, È nantu ci vogliu mette Più di trecentu cannoni ; Quand’ellu passa lu trenu Spianalli li so vaggoni. À ch’hà inventatu lu trenu Hè statu una brutta ghigna. Li ghjunga u filosserà Cum’ell’hè ghjuntu à la vigna, Li caschinu li capelli Incù la più forte tigna Ch’ellu ti sia cuncessu Tuttu l’oru di la Spagna, Le pecure di lu Niolu È l’oliu di la Balagna, U vinu di Cervioni È d’Orezza la castagna Ch’ellu piovi mesi interi È po empiene una pozza Ch’ellu s’anneghi lu trenu À l’entre di Casamozza Micca pè li passageri Ma per quellu chì li porta. Di lu caminu di ferru Si ne falinu li ponti ; Tandu li pruprietarii Poranu fà li so conti, Chì per dà la signatura Elli eranu tutti pronti. Anghjulì lu mio Anghjulinu Datti un pocu di rimenu, Vai è feghja issu catinu S’ellu hè viotu o s’ellu hè pienu, Ch’avimu da prisentallu À lu sceffu di lu trenu. Ùn si vende più furaggi Pocu pane è micca vinu, Passanu le settimane Senza vende un bichjerinu, Chì ci avimu più da fà In piaghja lu mio Anghjulinu. Anghjulì le nostre chjose Suminemule à granone Chì lu ladru di lu trenu Ùn cunsuma chè carbone Avà ci tocca à piglià Un’altra decisione. Anghjulì lu mio Anghjulinu Preparemu la mubiglia È po mettila in vittura Incù tutta la famiglia Chì lu ladru di lu trenu Da noi solli ùn ne piglia. Anghjulì le nostre mule Portemule à lu macellu Chì lu ladru di lu trenu Passa è vene da per ellu. Hé cuntentu Micaellu Ch’hà impiegatu lu fratellu. Micaellu di lu trenu Si n’hà fattu un forte dolu, U vegu falà in panchetta, Ellu sempre marchja solu ; Hà una forte cantina Ci hà impiegatu lu figliolu. Mi vogliu fà una casetta Vicin’à Monte Rutondu, Ch’ell’ùn abbianu sentoru Mancu s’o sò à stu mondu ; Ci vole ch’o mi ramenti Chì lu dulore hè prufondu. | U TRENU DI BASTIA O lu trenu di Bastia Si ne parte à la ferraglia U imbarcanu pezzu à pezzu In batellu per l' Italia Ci resterà in suvenire Qualchì pezzaciu di raglia Di la gara di Bastia Ne feremu un munimentu A ci lasceremu arritta Perchè ci para lu ventu L'hà dumandata un ministru Omu di grande talentu. I ponti ne serveranu Per li posti à lu cignale Osinnò per piglia frescu Quand'omu si sente male Pianteranu appena l'acqua Qunadu Golu hè in tempurale Si volenu piglià tuttu I treni cù li battelli I nostri ministri corsi Ci ghjocanu à l'appiatelli Ci prumettenu le cose Cum'è i calci à i zitelli È noi li stemu à sente Cù la bocca spalancata È pò li femu l'evvive Tuttu un ghjornu è una nuttata Elli partenu cuntenti Fendusi una risata. |