Language   

I nobili di Palermu

Anonymous
Back to the song page with all the versions


OriginalLa versione attualizzata di Ignazio Buttitta, come riportata...
I NOBILI DI PALERMU


I nobili di Palermu,
ca sannu i boni frasi,
chiamanu stu spittaculu
"Tiatru di vastasi".

Vastasi sunnu chiddi
ca stannu nte palazzi
e fannu a notti jornu
e tutti li ntrallazzi.

Nuatri semu artisti,
artisti pupulani:
cu trasi si diverti
nni duna un pezzu i pani.

Rapprisintamu a vita;
dicemu cosi veri:
i mbrogghi chi cumminanu
baruna e cavaleri.

I scannali e l'abusi
contru li puvireddi
ca ci paremu porci
e nni scorcianu a peddi.

A tassa du fucaticu;
u daziu nta farina
nuatri pani picca
e iddi a panza china.

E iddi nte palazzi
cu amanti nte divani,
nuatri ca famigghia
curcati dintra i tani.

U Re joca a la briscula;
parra napulitanu:
cu taci un sbagghia mai....
battemuci li manu!

Viva Burbuni
e u sinnacu du comuni!

I POLITICI ITALIANI

I politici italiani
ca sannu i boni frasi
chiammanu stu spittaculu
"Tiatru di vastasi".

Vastasi sunni chiddi
ca stannu nte i palazzi
e fannu a notti jornu
e tutti li intrallazzi

Nuàtri semu artisti,
artisti pupulani:
cu trasi si diverti,
nni duna un pezzu i pani.

Rapprisintammu a vita;
dicemu cosi veri:
imbrogghi chi cuminanu
i ministri ai ministeri.

I scannali e l'abusi
contru li puvireddi
ca ci paremu porci
e nni scorcianu a peddi.

A tassa supra a casa
u daziu nta farina
nuàutri pani picca
e iddi a panza china.

U Presidente joca a cummannari:
e parla l'italianu
cu taci un sbagghia mai
battemmuci li manu!

Viva l'Italia
e tutti l'Italiani!


Back to the song page with all the versions

Main Page

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org