Prejera (Crist pietàt dal nustri pais)
Pier Paolo Pasolini| Original | La versione di Luigi Maieron |
| PREJERA (CRIST PIETÀT DAL NUSTRI PAIS) A Casarsa nell’anno 1499. Dentro il portico della casa dei Colus, con il carro ed altri altrezzi per terra. [La preghiera è intonata da Pauli Colus] Crist pietàt dal nustri pais. No par fani pì siors di chel ch'i sin No par dani ploja No par dani soreli. Patì çalt e freit e dutis li tempiestis dal seil al è il nustri distìn. Lu savìn. Quantis mai voltis ta chista nustra Glisiuta di Santa Cròus i vin ciantàt li litanis, parsè che Tu ti vedis pietàt da la nustra çera! Vuei i si 'necuarzìn di vèj preàt par nuja: vuei i si 'necuarzìn qe tu ti sos massa pì in alt da la nustra ploja e dal nustri soreli e dai nustris afàns. Vuei a è la muart c’a ni speta cà intor. Cà intor, Crist, dulà q'i sin stas tant vifs da crodi di stà vifs in eterno e qu in eterno Tu ti ves di daighi ploja ai nustris çamps, e salut ai nustris puors cuarps. Ma di-n-dulà vènia qe muart? Cui àia clamàt qì zent di un altri mont a puartani la fin da la nustra puora vita, sensa pretesis, sensa ideài, sensa 'na gota di ambisiòn? Ucà, a si stava, Crist, cu 'l nustri çar, cu la nustra sapa, cu 'l nustri colt, cu la nustra Glisiuta... Esia pussibul che dut qistu al vedi di finì? Se miracul èsia, qistu, Signour, che Tu ti vedis di vivi ençamò, quant che dut cà intor, che adès al è vif, coma che s'al ves di stà vif par sempri, al sarà distrut, sparìt, dismintiàt? [Al si met in zenoglòn] E tu Verzin Beada? Sint se bon odour q'al sofla dal nustri paìs... Odour di fen e di erbis bagnadis; odour di fogolars; odour ch'i sintivi di fantassìn tornant dal çamp. Tu, almancul, Tu, q'i ti vedis pietàt di nu, q'i ti fermis il Turc | CRIST PIETAT Crist pietat dal nustri pais no par fani pì siors di chel ch'i sin no par dani ploja no par dani soreli. Patì cjalt e freit e dutis li tempiestis dal seil al è il nustri distìn. Vin ciantat li litanis parsè che Tu ti vedis pietat da la nustra ciera. Crist pietat dal nustri pais no par fani pì siors di chel ch'i sin no par dani ploja no par dani soreli. Vuei i si'necuarzìn di vèj preàt par nuja, tu ti sos massa pì in alt da la nustra ploja, dal nustri soreli, dai nustris afàns Crist dulà ch'i sin stas tant vifs da crodi di stà vifs in eterno e che in eterno Tu ti ves di daighi ploja ai nuestris ciamps cui àia clamat chi zent di un altri mont a puartanu la fin da la nustra vita, vita sensa pretesis, sensa ideai, sensa una gota di ambition Crist dulà ch'i sin stas tant vifs da crodi di stà vifs in eterno e che in eterno Tu ti ves di daighi ploja ai nuestris ciamps Sint se bon odor ch'al sofla dal nustri pais odor di fen e di erbis odor di fogolar odor ch'i sintivi di fantassin tornant dal ciamp Crist pietat dal nustri pais no par fani pi siors di chel chi sin tu almancul tu ch'i ti vedis pietat ch'i ti fermis il Turc |
