El me gatt
Ivan Della MeaOriginale | La versione incisa da Bruno Lauzi [1967] |
EL ME GATT | El me gatt |
A l'han trovàa distes in mezz a i orti, | L'han truvaa ier matina in mezz a i orti, |
I oeucc a eren ross e un poo sversàa, | I oeucc a eren ross e anca un poo sversàa, |
Me piasaria savée chi l'è quel ostia | Me piasaria savè chi l'è quel ostia |
Che al me gatt la panscia al g'ha sbusàa. | Che al me gatt la panscia al g'ha sbusàa. |
L'era insci bell, insci simpatich, | L'era insci bell, insci simpatich, |
Negher e bianch, propri on belée, | Negher e bianch, propri on belée, |
Se ciapi quel che l'ha copàa | Se salta foera quel che l'è stàa |
Mi a pesciàa ghe s'ceppi 'l dedrée. | Mi a pesciàa ghe s'ceppi 'l dedrée. |
I amis m'han dit: «L'è stada la Ninetta, | I amis m'han dit: «L'è stada la Ninetta, |
Quella cont la gambetta sifolina. | Quella cont la gambetta sifolina. |
L'emm vista in mezz a i orti ier matina | L'han vista in mezz a i orti ier matina |
Che la lumava 'l gatt cont on cortel». | Che la lumava 'l gatt cont on cortel». |
L'è malmostosa, de bruta cera, | L'è malmostosa, de bruta cera, |
E l'ha g'ha on nas svisser e gross, | E l'ha g'ha on nas svisser e gross, |
Vedella in gir fa propi péna | Vedella in gir fa propi péna |
E tucc i fioeu ghe dann adoss. | E tucc i fioeu ghe dann adoss. |
Incoeu a l'hoo spetada in via Savona | A l'hoo spetada incoeu in via Savona |
Dopo mezzdì, quand lee la torna a càa, | Dopo mezzdì, quand lee la torna a cà, |
Ghe sont rivàa adrée a la barbona | E ghe sont saltàa adoss a la barbona |
E su la gamba giusta giò legnàa. | E su la gamba giusta giò legnàa. |
Hoo sentù on crach de ossa rott, | Hoo sentù on crach de ossa rott, |
L'è 'ndada in terra come on fagott, | L'è andada in terra come on fagott, |
Lee la vosava «Oi mamma mia!», | Lee la vosava «Oi mamma mia!», |
Me sont stremì, sont scapàa via. | Me sont stremì, sont scapàa via. |
Stasera voo a dormì al riformatòri, | Stasera voo a dormì al riformatóri, |
In quel di Filangieri al numer duu, | In quel di Filangieri al numer duu, |
M'han dàa del teddy-boy, del brutt demoni, | M'han dàa del teddy-boy, del brutt demoni, |
Mi sont convint istess d'avegh reson. | Ma sont convint istess d'avegh reson. |
S'è g'hoo de divv, o brava gent, | S'è g'hoo de divv, oè brava gent, |
De la Ninetta me frega niént | De la Ninetta me frega niént |
L'è la giustissia che me fa tort, | L'è la giustissia che me fa tort, |
Ninetta è viva, ma el gatt l'è mort. | Ninetta è viva e'l gatt l'è mort. |
L'è la giustissia che me fa tort, | L'è la giustissia che me fa tort, |
Ninetta è viva, ma el gatt l'è mort. | Ninetta è viva e'l gatt l'è mort. |