| Original | Versione italiana di Ermido Lerose |
| UOCCHIE | OCCHI |
| | |
| Uocchie senza cchiù luce, | Occhi senza più luce, |
| Uocchie stutati, | occhi spenti, |
| Uocchie ca cercano speranza all'ati | occhi che chiedono speranza agli altri |
| Uocchie spierzi int'all'onne | occhi persi nelle onde |
| 'nmiezo 'o mare | in mezzo al mare |
| Uocchie ca contano destini amare... | occhi che raccontano destini amari... |
| | |
| Uocchie fissati a trementà 'e ricuordi | Occhi fissati a cercare i ricordi |
| Uocchie ca quanno 'e vidi nun te ne scuordi. | occhi che quando li vedi non li scordi. |
| Uocchie, malacuscienza | Occhi, malacoscienza |
| 'e chella gente | di quella gente |
| ca acala 'a capa e ca nun vede niente. | che piega il capo e che non vede niente. |
| | |
| Quanta speranze e quante so' 'e scunfuorti, | Quante speranze e quanti sono gli sconforti, |
| quanta illusioni e quanti ne so' muorti | quante illusioni e quanti ne sono morti. |
| E quant'e loro 'e mannano 'o paese | E quanti di loro sono rimpatriati |
| cu 'na manella annanze e n'ata areta. | con una mano davanti e una dietro. |
| | |
| Gente spugliata 'e dignità e futuro | Gente spogliata di dignità e futuro |
| ca cerca 'e zumpà 'a coppa a chillo muro | che cerca di saltare da sopra quel muro |
| ca sparte 'o munno dritto 'a chillo stuorto | che divide il mondo giusto da quello ingiusto |
| pe civà 'e figlie e nun cuntà cchiù 'e muorti. | per dare da mangiare ai figli e non contare più i morti. |
| | |
| Gente ca vene 'a terre addò se mete | Gente che viene da dove si miete |
| pe tutto l'anno sulo famme e sete | per tutto l'anno fame e sete. |
| Gente ca 'o desiderio 'e zappà 'a terra | Gente che il desiderio di zappare la terra |
| l'ha abbannunato pe fujì a 'na guerra. | la abbandonato per fuggire da una guerra. |
| | |
| Tenimmo scritto: “'E genti songo uguali” | Abbiamo scritto "Le persone sono tutte uguali" |
| ma 'a dignità s'accatta sulo co 'e denari. | ma la dignità si compra solo con i soldi. |
| E chesta gente 'a vonno fa trasìre | E questa gente la vogliono fare entrare |
| sulo quanno è disposta a te servìre | solo quando è disposta a servirti. |
| | |
| Senza lavoro 'a fantasìa e 'a salute | Senza lavoro, fantasia e salute |
| nisciuno campa ognuno 'e nuje è fernuto | nessuno vive e ogniuno di noi è finito |
| nun se può nasce sulo pe fuje 'a morte | non si può nascere solo per fuggire la morte |
| ci addà stà 'nu futuro 'a quacche parte. | ci deve essere un futuro da qualche parte. |
| | |
| E rancichi cu ll'ogne chillu mare | E ti arrampi con le unghie su quel mare |
| fin'a che quacche cosa nun cumpare | fino a che qualcosa non compare |
| 'na terra, 'na furtuna, n'ato munno | una terra, una fortuna, un altro mondo |
| ca diciarrà ca pure tu si 'n'ommo. | che potrà dire anche tu sei un uomo. |
| | |
| Quanta speranze e quante so' 'e scunfuorti | Quante speranze e quanti sono gli sconforti, |
| quanta illusioni e quanti ne so' muorti | quante illusioni e quanti ne sono morti. |
| e quant'e lloro 'e mannano 'o paése | E quanti di loro sono rimpatriati |
| cu 'na manella annanze e n'ata areta. | con una mano davanti e una dietro. |
| | |
| Gente spugliata 'e dignità e futuro | Gente spogliata di dignità e futuro |
| ca cerca 'e zumpà 'a coppa a chillo muro | che cerca di saltare da sopra quel muro |
| ca sparte 'o munno dritto 'a chillo stuorto | che divide il mondo giusto da quello ingiusto |
| pe civà 'e figlie e nun cuntà cchiù 'e muorti. | per dare da mangiare ai figli e non contare più i morti. |
| E rancichi cu ll'ogne chillu mare | E ti arrampi con le unghie su quel mare |
| fin'a che quacche cosa nun cumpare | fino a che qualcosa non compare |
| 'Na terra, 'na furtuna, n'ato munno | una terra, una fortuna, un altro mondo |
| ca diciarrà ca pure tu si 'n’ommo. | che potrà dire anche tu sei un uomo. |
