Langue   

70.000

Gianfranco Molle
Langue: espéranto




Sepdek miloj da ni staras
sub Teŝino, sub Teŝino...
Cent mil iĝis jam germanoj,
cent mil iĝis pollingvanoj,
koron premas maltrankvil':
Ĉu ni rajtas vivon plani?
Sepdek miloj restis da ni,
sepdek mil...

Kaj sepdek mil tombojn oni
fosas por ni sub Teŝino,
Iam iu ĝemas vane
atendante di-miraklon...
Ridas fremda di' rikane.
Kaj ni apatie gapas,
ke nin oni buĉe frapas
- kiel bovoj bov-masakron.

Riĉas ja markizo Gero...
Donu li al ni da vino,
al ni sepdek mil, po tino!
Ni duone iĝos polaj,
duone germanparolaj
kaj jubilos la devizo:
Vivu Gero, la markizo!
Tamen antaŭ vivofino
ebriiĝu ni per vino:
vir' - virino, fil' - filino,
sub Teŝino, sub Teŝino.



Page principale CCG

indiquer les éventuelles erreurs dans les textes ou dans les commentaires antiwarsongs@gmail.com




hosted by inventati.org