Lingua   

New Word Hawdah

Linton Kwesi Johnson
Lingua: Inglese (Patwa giamaicano/Jamaican Patwah)


Linton Kwesi Johnson


Di killahs a Kigale
Mus be sanitary workaz
Di butchaz a Butare
Mus be sanitary workaz
Di savajiz a Shatila
Mus be sanitary workaz
Di beasts a Boznia
Mus be sanitary workaz
Inna di new word hawdah

Like a dutty ole bandige
Pan di festahrin face a umanity
Di ole haedah anravel an reveal
Ole scar jus a bruk out inna new sore
Primeval woun dat time wone heal
An in di hainshent currency of blood
Tribal tyrants a seckle de score

Di killahs a Kigale
Mus be sanitary workaz
Di butchaz a Butare
Mus be sanitary workaz
Di savajiz a Shatila
Mus be sanitary workaz
Di beasts a Boznia
Mus be sanitary workaz
Inna di new word hawdah

An is di same ole Cain an Able syndrome
Far more hainshent dan di fall of Rome
But in di new word hawdah a atrocity
Is a brand new langwidge a barbarity

Mass murdah
Narmalize
Pogram
Rationalize
Genocide
Sanitize
An di hainshent clan sin
Now name etnick clenzin

An so
Di killahs a Kigale
Mus be sanitary workaz
Di butchaz a Butare
Mus be sanitary workaz
Di savajiz a Shatila
Mus be sanitary workaz
Di beasts of Boznia
Muz be sanitary workaz
Pra-pram-pram
Inna di new word hawdah



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org