Lingua   

Sciuur capitan

Davide Van De Sfroos
Lingua: Italiano (Lombardo "Laghèe")


Davide Van De Sfroos


Sciuur capitan, varda scià la mia mann
ho cupaa un'umbria la nocc de capudann.
L'è sta pussè facil che stapà una buteglia,
ma de un culp de s'ciopp in crapa
gh'è nissoen che se sveglia.

Sciuur capitan, ho cupaa una persona
so mea se l'era grama, so mea se l'era bona.
M'han daa mila reson, en trovi ne'anca voena.
So che me manca el mè fiò,
so che me manca la mia dona.

Sciuur capitan, questa che l'è la verità,
adess ghe n'ho piee i ball, Giovanni el turn a cà.
Sun sempru staa ai tuoi urdini,
e t'ho mai tradì,
però questa sira questa guera m'ha stufì.

Sciuur capitan, questa che l'è la verità:
adess ghe n'è pien i ball,
Giovanni turna a cà.
Se te voret scriv, te regali la mia pena,
se te voret sparam, questa che l'è la mia schiena.

Sciuur capitan, verda te che irunia:
la giacchetta insaguinada pudeva vess la mia,
bastava che incuntravi un bastardo come me,
invece che incuntrà quel poor ciful là de lè.

Sciuur capitan, me paar de vecch frèc,
la guera la finiss mai,
me par de vegnì vecc.
Crepum in divisa, vemm a cà in una bandiera,
e lassum che la moort la vaga in gir in canutiera.

Sciuur capitan, varda questi mè occh,
e sto paees draa là giò in ginocch.
Semm che a curaa el cunfine
e pensum de vess fort
ma el sèmm che per crepaa
ghe voer mea el pasaport.

Sciuur capitan, questa che l'è la verità,
adess ghe n'ho pien i ball,
Giovanni turna a cà.
Sun sempru staa ai tuoi urdini
e t'ho mai tradì,
però questa sira questa guera m'ha stufì.

Sciuur capitan, questa che l'è la verità,
adess ghe n'ho pien i ball, stasira turni a cà.
Se te voret scriv, te regali la mia pena,
se voret sparam, questa che l'è la mia schena.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org