Language   

Dat Leed van den Häftling Nr. 562

Oswald Andrae
Language: Low German



En halv Dusend
un fief Dutzend
un denn noch
twee mal Een.
Kind, mien Kind,
tell dat tosamen,
denn hest de Tahl,
de ik meen.

Is en Tahl blots,
is en Tahl blots.
Schriev se up.
Kind, hest sehn?
Disse Tahl,
dat weer de Nummer,
weer de Nummer,
de ik meen.

Weer en Nummer,
blots en Nummer.
Van ganz veel
weer't man een.
So veel Nummers
up de Jacken
van de Minsken
de ik meen.

Weren Minsken
insperrt Minsken.
Hitler harr't
Regiment;
man se glöwen,
wat se glöwen,
- foltert, slaan,
vergast, verbrennt.

Männich Christ
und Kommunisten,
Sozial-
demokrat,
Jöden, Zentrum,
Pazifisten:
"Schutzhaft", KZ,
Moorsoldat.

In't KZ
van Esterwegen,
- Kind, nümms kann't
nu verstahn! -,
Hebbt se Carl von
Ossietzky
elennig to-
samenslaan.

Nägn-tein-hun-nert-
acht-un-dar-tig.
veerten Mai
in Berlin:
ünner Upsicht
van d'Gestapo
schräwen se sien
Dodenschien.

Fief-hun-nert-un-
twee-un-seß-tig
weer sien Nummer
mal wään.
Den Nobelpries
för den Fräden
krääg de Häftling,
de ik meen.

Gegen Unrecht
harr he sträden.
Mien Kind,
vergäät dat nicht:
Waak wään, handeln
för den Fräden,
denn dat Woort al-
leen helpt nicht.

Waak wään, handeln
för den Fräden,
denn dat Woort al-
leen helpt nicht.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org