Lingua   

Neri o bianchi che siano

Vad Vuc
Lingua: Italiano (Lombardo Ticinese)




Ogni tant a i ènn négri
Ogni tant anca bianch
E nüm divéntum scür cumè l’inchiòstru
Che quarcia la veritá
E sa fém vedé cumè stu föi
Bianch e vöi d’ipucrisía
Intant che sógnum disperaa
Da diventá, un dí, na puesía
Ma fra fake news, fake taxi, fake bambi
Chí gh’è una guèra, e la védum mía

Ogni tant a i ènn négri
Ogni tant anca bianch
Ogni tant a ròban na burséta
E gh’è chi scriv da cupái
Ma i ènn dumá cumè falénn
Sturdii di lüs ch’ém pizzaa nüm
Ed hanno madri bianche o nere
A piang ul stéss dulúr
Parchè i lacrim, dananz a n fiöö mòrt,
A gh’ann mía da culúr

La vita l’è na cursa, la vita l’è na bursa
Piéna da strafüsari cunquistaa cui ung
La vita l’è véss viv, la vita a l’è scriv
Anca dumá n pensée par i nòss tus
La vita l’è l’amúr, l’è na vita da Signúr
E sém chí tütt inciudaa sü par na crus
La vita è una biglia e la rudóla a meraviglia
E la ga ména vía
Cumè un sacch dal rüt

Ogni tant a i ènn négri
Ogni tant anca bianch
Ma l prim culúr che smunta in una guèra
L’è quéll dala pietá
Nutizzi fai par végh un like
E disan mai “cumè che stann”
Fórsi, bisognaréss ciapass par quéll
Che sém, sénza menád
Ciapass un puu mén pal cüü
E un puu püssée par man

La vita l’è na cursa, la vita l’è na bursa
Piéna da strafüsari cunquistaa cui ung
La vita l’è véss viv, la vita a l’è scriv
Anca dumá n pensée par i nòss tus
La vita l’è l’amúr, l’è na vita da Signúr
E sém chí tütt in ginöcc sota na crus
La vita è una biglia e la rudóla a meraviglia
E la ga ména vía
Cumè un sacch dal rüt

Uoooooo – Which are the lives that matter?


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org