Language   

Cantaremu a vita

Voce Ventu
Language: Corsican



Dice lu fiume rossu
Quant’ellu corre l’oddiu
In stu mondu turnatu
Carneghju è scimità

Pè qualchì Diu cioncu
O affare di soldu
Ùn vale più nè vita
Nemmancu Umanità

L’omi turnati bestie,
Animali carnaghji,
Ridenu à vede more
Una donna o un zitellu

Scalanu ste rubbacce
Nant'à i nostri rinaghji
À toglie vite
Impunendu macellu

È li stati imputenti
Cun discorsi vigliacchi
Palesanu, O vergogna,
Orgogliu è dibbulezza

Cantu d’ipucrisia
Tal'un ghjocu di scacchi
Vite sacrificate
À putere è ricchezza

Volenu a sapemu
Accatizzà paure.
Trà l’omi è le culture
Alzà tante muraglie

Nutrisce l’ira viva
Nutrisce le sciagure
È fà nasce
E guerre, le battaglie

Siate maladetti
Purcacci à cor’di morte
Chì vulete in stu mondu
Spinghje le mente d’oru

Più purtarete bughju
Più Luce serà forte
Chì site pochi è micca
Di pettu à un tisoru.

Ci Purtarete l’oddiu
Vi cantaremu Amore
Purtarete lu neru
Vi saremu culore

Purtarete tristezza
Seremu gioia viva
Purtarete la morte
Cantaremu a vita

Purtarete tristezza
Seremu gioia viva
Purtarete la morte
Vi cantaremu a vita


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org