אַרבעטער־פֿרױען

Arbeter-froyen, laydnde froyen!
Froyen, vos shmakhtn in hoyz un fabrik,
vos shteyt ir fun vaytn? Vos helft ir nit boyen
dem templ fun frayhayt, fun mentshlekhn glik?

Helft undz trogn dem baner dem roytn,
forverts, durkh shturem, durkh fintstere nekht!
Helft undz vorhayt un likht tsu farshpreytn,
tsvishn umvisende, elnte knekht!

Helft undz di velt fun ir shmuts derheybn!
Ales opfern, vos undz iz lib,
Kemfn tsuzamen, vi mekhtike leybn
far frayhayt, far glaykhhayt, far undzer printsip!

Nit eyn mol hobn shoyn nobele froyen,
gemakht tsitern henker un tron,
zey hobn getsaygt, az men ken zey fartroyen,
in biterstn shturem di heylike fon.

Dermont zikh az ayere rusishe shvester,
dermordet far frayhayt fun tsar dem vampir,
farmatert biz toyt in di shteynerne nester
fargrobn in shney in dem vistn Sibir.

Gedenkt ir di nemen, di heylike nemen:
Perovskaya, Helfman, Ginzburg un nokh,
toyznter vos flegn zikh shemen
tsu trogn gehorkhzam dem shklafnyokh?

Zey zaynen in shturem zo heldish geshtanen,
getrogn in fintsternish hofenung un likht!
Rakhe genumen fun vilde tiranen,
shtolts gekukt dem toyt in gezikht!

Gedenkt ir zey? Dokh zol zeyer lebn
bagaystern aykh! Ir zolt mit derfolg
lernen un denken, kemfn un shtrebn
tsu frayhayt un glik far dem arbeter folk!