געזאַנג פֿון אַ יידישן דיכטער אין 1943
Avrom Sutskever [Abraham Sutzkever] / אברהם סוצקעװערLingua: Yiddish
צי בין איך דער לעצטער פּאָעט אין אייראָפּע? [1]
צי זינג איך פֿאַר מתֿים, צי זינג איך פֿאַר קראָען?
איך טרינק זיך אין פֿײַער, אין זומפּן, אין ראָפּע,
געפֿאַנגען פֿון געלע, געלאַטעטע שעהען.
כ׳צעבײַס מײַנע שעהען מיט חײשע ציינער
געשטאַרקט פֿון מײַן מאַמעס אַ טרער. דורכן טראָפּן
דערזע איך ס׳מיליאָניקע האַרץ, פֿון די ביינער,
וואָס יאָגן צו מיר פֿון דער ערד אין גאַלאָפּן.
איך בין דאָס מיליאָניקע האַרץ! בין דער היטער
פֿון זייערע איבערגעלאָזטע ניגונים.
און גאָט וואָס דער מענטש האָט פֿאַרברענט זײַנע גיטער,
באַהאַלט זיך אין מיר, ווי די זון אין אַ ברונעם.
זײַ אָפֿן, מײַן האַרץ! און פֿאַרנעם ווי עס שפּראָצן
געהייליקטע שעהען אין צוקונפֿטס מחשבֿה.
פֿאַרגיכער, פֿאַראײַל זייער מאַכטיקן רצון,
און זײַ אין דײַן צער זייער אָנזאָגער, נבֿיא.
און זינג פֿון די זומפּן, און זינג פֿון דער נידער,
ביז וואַנען עס לעבט נאָך אַ טרער פֿון דער מאַמען!
דערהערן דײַן קול זאָלן ביינערנע ברידער,
די בראַנדיקע געטאָ, און ס׳פֿאָלק הינטער ימען
ווילנער געטאָ, יוני 1943
צי זינג איך פֿאַר מתֿים, צי זינג איך פֿאַר קראָען?
איך טרינק זיך אין פֿײַער, אין זומפּן, אין ראָפּע,
געפֿאַנגען פֿון געלע, געלאַטעטע שעהען.
כ׳צעבײַס מײַנע שעהען מיט חײשע ציינער
געשטאַרקט פֿון מײַן מאַמעס אַ טרער. דורכן טראָפּן
דערזע איך ס׳מיליאָניקע האַרץ, פֿון די ביינער,
וואָס יאָגן צו מיר פֿון דער ערד אין גאַלאָפּן.
איך בין דאָס מיליאָניקע האַרץ! בין דער היטער
פֿון זייערע איבערגעלאָזטע ניגונים.
און גאָט וואָס דער מענטש האָט פֿאַרברענט זײַנע גיטער,
באַהאַלט זיך אין מיר, ווי די זון אין אַ ברונעם.
זײַ אָפֿן, מײַן האַרץ! און פֿאַרנעם ווי עס שפּראָצן
געהייליקטע שעהען אין צוקונפֿטס מחשבֿה.
פֿאַרגיכער, פֿאַראײַל זייער מאַכטיקן רצון,
און זײַ אין דײַן צער זייער אָנזאָגער, נבֿיא.
און זינג פֿון די זומפּן, און זינג פֿון דער נידער,
ביז וואַנען עס לעבט נאָך אַ טרער פֿון דער מאַמען!
דערהערן דײַן קול זאָלן ביינערנע ברידער,
די בראַנדיקע געטאָ, און ס׳פֿאָלק הינטער ימען
ווילנער געטאָ, יוני 1943
×
![]()
Tsi bin ikh der letster poet in Eyrope?
Tsi zing ikh far meysim, tsi zing ikh far kroen?
Ikh trink zikh in fayer, in zumpn, in rope,
Gefangen fun gele, gelatete shoen.
Kh' tsebays mayne shoen mit khayishe tseyner
Geshtarkt fun mayn mames a trer. Durkhn tropn
Derze ikh s' milyonike harts, fun di beyner,
Vos yogn tsu mir fun der erd in galopn.
Ikh bin dos milyonike harts! Bin der hiter
Fun zeyere ibergeloste nigunim.
Un Got vos der mentsh hot farbrent zayne giter,
Bahalt zikh in mir, vi di zun in a brunem.
Zay ofn, mayn harts! Un farnem vi se shprotsn
Geheylikte shoen in tsukunfts makhshove.
Fargikher, farayil zeyer makhtikn rotsn,
Un zay in dayn tsar zeyer onzoger, novi.
Un zing fun di zumpn, un zing fun der nider,
Biz vanen es lebt nokh a trer fun der mamen!
Derhern dayn kol zoln beynerne brider,
Di brandike geto un s' folk yamen.
Vilner geto, yuni 1943.