Lingua   

Zengan

Quinzân
Lingua: Italiano (Romagnolo)



Neca se t’a n’sera un rumagnôl, a t’ò avlù bë cum un fradël
Neca se t’sera un zengan dla raza di Rom / um si spìs se adës t’si in parsòn
T’arivès a cà mi, t’sira cvesi un babì, e t’avivti paura de bur
T’arivest senza gnìt, senza gnãca un bilì, e pinsivti d’no èsar sicur
T’arivest cum un s-ciã cl’à paura d’durmì, e d’sugné incora al bot e ‘e s-ciadur
Ma cun no fasèst prëst a cambié, l’era un’êtra manira d’campé
Neca se t’a n’sera un rumagnôl…
A curegna pr’al tër, a zugnegna a palò, a pruvegna nech a lavuré
A sté cun la zënt, cvelca volta a dé mënt, t’a n’avivti di cvel da imparé
Dop la sapa e ‘e badìl us pruveva ‘e trator, una sera prinsena a balé
La fadiga la n’era tota cvanta la tu, parò acsè t’an gn’arèst mai cardù
Cvãnti vôlt t’e ridu, cvãnti vôlt t’e pianzu, pr’una vita cl’a n’era la tu
Cvãnt armor par pôc cvêl, cvand andègna a suné o sinò cvand avlivti zughê
A t’arcurdat cla vôlta cun ‘e mi muturì, ‘e grasìr ch’ù t’avleva multé
Te t’fasès ‘e frustir, lo u n’capè un azidënt, ut lasè avnì a cà tot cuntent
E dal stôri che te pu cminzèst a fé, dop a che i tu cumpegn i t’éva svulé
E la prema vôlta in treno e la sgonda in mutor par scapé acsè tot spintacé
Te t’am dès “sei un gagió”, me csa vut ch’a capès, a so mòr, a vut ch’un s’avdès?
T’am capiré se adès a n t’vègn a truvé, am so spusé a j’ò cvël da fé
Neca se t’a n’sera un rumagnôl…..


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org