Lingua   

Luigi Capuana: A virrineḍḍa

GLI EXTRA DELLE CCG / AWS EXTRAS / LES EXTRAS DES CCG
Lingua: Siciliano




Accattari vurria na virrineḍḍa
di notte la to porta spirtusari
vidiri gioia mia quantu sì beḍḍa
quannu ti spogli prima di curcari!

E temu ca tu fussi cussi beḍḍa
ca l'occhi nun m'avissiru a nurvari
lassa la porta misa a spaccazzeḍḍa
ca iu stanotti ti vegnu a truvari.

E na varcuzza banneri banneri
sta dia d'ammuri ni vinni a purtari
ridìanu tutti li cilesti speri
trimavanu li specchi di lu mari.

Binidittu lu Diu chi ti manteni
ca cussi bedda ti vosi furmari!
Spampinanu li sciuri unni ca veni
l'ariu tribulatu fa sirinari.

Avia li trizzi di na Mantalena
‘ntesta si miritava na curuna
‘nni la to casa nun ci sta lumera
lu lustru lu fai tu, stiḍḍa Diana.

Catina ca mi teni ‘ncatinatu
catina chi ‘ncatini l’arma mia
beni ti vogliu cchiù di lu me ciatu
accussì criu ca vo beni a mia.


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org