A Becket Carol, also known as Lestnytgh, Lordynges, or Nunc gaudet Ecclesia
anonimo
Lingue: Inglese, Medio (1100-1500), Latino
Refrain: A, a, a, a,
Nunc gaudet ecclesia.
Lestnytgh, lordynges, bothe grete and smale,
I xal you telyn a wonder tale,
How Holy Cherche was browt in bale
Cum magna iniuria.
The greteste clerk of al this lond,
Of Cauntyrbury, ye understonde,
Slawyn he was with wykkyd hond,
Demonis potencia.
Knytes kemyn fro Henry kyng,
Wykkyd men, withoute lesyng;
Ther they dedyn a wonder thing,
Ferventes insania.
They sowntyn hym al abowtyn,
Withine the paleys and withoutyn;
Of Jhesu Cryst hadde they non dowte
In sua malicia.
They openyd here mowthis wonder wyde:
To Thomas they spokyn mekyl pryde,
'Here, tretour, thou xalt abide,
Ferens mortis tedia.'
Thomas answerid with mylde chere,
'If ye wil me slon in this manere,
Let hem pasyn, alle tho arn here,
Sine contumilia.'
Beforn his aunter he knelyd adoun;
Ther they gunne to paryn his crown;
He sterdyn the braynys up and doun,
Optans celi gaudia.
The turmentowres abowtyn sterte;
With dedly wondys thei gunne him hurte.
Thomas deyid in Moder Cherche
Pergens ad celestia.
Moder, clerk, wedue and wyf,
Worchepe ye Thomas in al your lyf;
For lii poyntes he les his lyf,
Contra regis consilia.
Nunc gaudet ecclesia.
Lestnytgh, lordynges, bothe grete and smale,
I xal you telyn a wonder tale,
How Holy Cherche was browt in bale
Cum magna iniuria.
The greteste clerk of al this lond,
Of Cauntyrbury, ye understonde,
Slawyn he was with wykkyd hond,
Demonis potencia.
Knytes kemyn fro Henry kyng,
Wykkyd men, withoute lesyng;
Ther they dedyn a wonder thing,
Ferventes insania.
They sowntyn hym al abowtyn,
Withine the paleys and withoutyn;
Of Jhesu Cryst hadde they non dowte
In sua malicia.
They openyd here mowthis wonder wyde:
To Thomas they spokyn mekyl pryde,
'Here, tretour, thou xalt abide,
Ferens mortis tedia.'
Thomas answerid with mylde chere,
'If ye wil me slon in this manere,
Let hem pasyn, alle tho arn here,
Sine contumilia.'
Beforn his aunter he knelyd adoun;
Ther they gunne to paryn his crown;
He sterdyn the braynys up and doun,
Optans celi gaudia.
The turmentowres abowtyn sterte;
With dedly wondys thei gunne him hurte.
Thomas deyid in Moder Cherche
Pergens ad celestia.
Moder, clerk, wedue and wyf,
Worchepe ye Thomas in al your lyf;
For lii poyntes he les his lyf,
Contra regis consilia.
×
![]()
