Language   

Fin de zugno

Paolo Bonfanti
Language: Italian (Ligure genovese)


Paolo Bonfanti


Son zá destéise ’n sc’ a toa
e mæ carte da giá
e i pensé pín de pertüxi
che no se pœan attappá
sémmo érboi sensa réixe
carúggi ascôsi a o sô
sémmo facce sotta ponti
che no ne ünìscian ciü

Quande t’ ê ’n te l’entrotêra
e ti senti arivá o mæn
in barcôn c’o se séra
e o fa sbraggiá tütti i cæn
dapéu aríva a tramontann-a
a taggiâ comme ‘na messoía
a piccá comme pría
’n sc’ e gioxíe e ’n sc’ i abæn

Vegnívan quattro a quattro
scí ben che gh’ àivan o bacco
vegnívan a ötto a ötto
scí ben che gh’ àivan o s-ciöppo

Óua caminn-an tranquilli
a a lüxe d’o sô
nisciün c’o ghe dìxe nìnte
o che i métta a testa in zü

Sôli e insensæ
rüménta c’ a xiöa a o vento
tempo c’ o passa lento
troppe cose da amiá

Émmo vœi ’n t’ i çervelli
émmo gruppi ’n t’ a gúa
öggi rossi e troppa püa
e e nostre croxi da portá

Éemo quelli d’ a battàggia
tütti insémme a deferrari
i fascisti e i seu (co’ i) compari
han piggióu de prionæ

Éemo quelli ’n maggia rossa
a criá “guai a chi ne tocca!”
amiémmose ’n t’o spégio
cose semmo diventæ



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org