Lu malamuri
ca t’arrivota e annagghia l’ali
Alliscia li penni
e supra ’a cuda jetta lu sali
Vampa di focu
e comu sciara ti nni cali
E tu ca fusti la vita mia,
Ҫiatu, sangu di lu me sangu
E stiḍḍa, lacrima di lumía
Ju cu lu cori di fangu
Lu malamuri,
c’ un ti nni fuj, ’un ti nni scappi,
Arrappa lu cori, antrica li veni,
e passía ’ntra li rappi
Travía lu senziu,
e ’nnuccenza, cu n’appi n’appi
E tu ca fusti la vita mia,
Ju anima spersa
E tu taliári ca mascaria
Ju arma arriversa
Onna allippusa,
scuma c’attigghia ’a raggia dû mari
C’annaca, pigghia,
affunna, isa, lassa affucari
Scuta la brogna
ca la vriogna la fa ammucciari
E ju ’mpronta di la tua
Tu bistemia d’amuri
E jocu tintu ca disvía
Tu minnitta d’amuri
E tu, tu ca vulisti a mía
’Nta ’na vaneḍḍa morta,
E ju ca t’aju vulutu a tía
Cu la me arma torta.
ca t’arrivota e annagghia l’ali
Alliscia li penni
e supra ’a cuda jetta lu sali
Vampa di focu
e comu sciara ti nni cali
E tu ca fusti la vita mia,
Ҫiatu, sangu di lu me sangu
E stiḍḍa, lacrima di lumía
Ju cu lu cori di fangu
Lu malamuri,
c’ un ti nni fuj, ’un ti nni scappi,
Arrappa lu cori, antrica li veni,
e passía ’ntra li rappi
Travía lu senziu,
e ’nnuccenza, cu n’appi n’appi
E tu ca fusti la vita mia,
Ju anima spersa
E tu taliári ca mascaria
Ju arma arriversa
Onna allippusa,
scuma c’attigghia ’a raggia dû mari
C’annaca, pigghia,
affunna, isa, lassa affucari
Scuta la brogna
ca la vriogna la fa ammucciari
E ju ’mpronta di la tua
Tu bistemia d’amuri
E jocu tintu ca disvía
Tu minnitta d’amuri
E tu, tu ca vulisti a mía
’Nta ’na vaneḍḍa morta,
E ju ca t’aju vulutu a tía
Cu la me arma torta.
×
![]()
