Language   

Moviti ferma

Eleonora Bordonaro
Language: Sicilian



Ferma
mi movu ferma
non aju jammi
non aju vrazza.
Sulu a facci è viva
chiummu ntê spaddi
e catini la carina.
Aggiuccata ntâ rrina
sugnu unna ca non sbatti
azziccata nô munnu
radica ca nun crisci
urricàta ô scuru
simenza ca non spunta
ammucciàta nt’ agnuni
mi fazzu ùmmira ju stissa.

Non aju jammi ppi scappari
non aju cianchi ppi ballari
non aju pedi ppi sautàri
non aju manu ppi mirriari.
Mòviti ferma c’a luna gira
canta lu ventu sciatu di la terra.
Mòviti ferma c’a luna gira
sciuscia lu ventu sciatu di la terra.

Muta e ntanata talìu a vita
si movi lenta nta sta nuttata.
Mi votu, mi smovu e nun mi sentu arrizzittàta.
Mòviti ferma ca passa la nuttata
Chi sugnu nta stu maridi pinzeri
Chiamu lu sonnu ccu l’occhi sbarrati.
Sula nto scuru e a frunti nfucata
Mòviti ferma ca passa la nuttata.

Mòviti ferma ca veni lu sonnu
e m’arrisedu finarmenti,
mi sbigghia a luci dâ matina
n’ha successu nenti.
Mòviti ferma ca veni lu sonnu
e s’arrisedu cunfurtata
nnâ prima luci dâ matina
è passata la nuttata.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org