Semu arrivati ccà si n’ascutati
ppi vvi mustrari zoccu nun viditi.
Semu cchiù sperti di quantu pinzati
ppi troppu tempu saggi e suttamìsi.
Pp’amuri di la paci suttamìsi
e di sti quattru babbi supraniati,
ora ca u munnu l’hatu ngramagghiàtu
ppi faureddu jittàtivi di latu.
Semu arrivati puru di luntanu
sennu e sustanza â terra cunzignàmu.
Ccu l’occhi ô cielu luntanu taliàmu,
pedi ntô fangu e lu cuteddu a mmanu.
Sprajàmmu ccû la luci di la luna
fimmina, nova china e calanti
e comu a idda lucenti e cangianti
straviàti, scunfinàti e fora via.
Purtamu frutti di nova cuscenza
simenza antica, amuri nsichitànza.
A cunvivenza, u preju, a nostra scienza
n’apprufittàti dâ nostra pacienza.
Vinni lu tempu di lu nostru tempu
lu nostru tempu ca nun cc’è cchiù tempu.
Accunsintìti ccû mpocu i curaggiu
ca senza i niàutri si finìu u viaggiu.
ppi vvi mustrari zoccu nun viditi.
Semu cchiù sperti di quantu pinzati
ppi troppu tempu saggi e suttamìsi.
Pp’amuri di la paci suttamìsi
e di sti quattru babbi supraniati,
ora ca u munnu l’hatu ngramagghiàtu
ppi faureddu jittàtivi di latu.
Semu arrivati puru di luntanu
sennu e sustanza â terra cunzignàmu.
Ccu l’occhi ô cielu luntanu taliàmu,
pedi ntô fangu e lu cuteddu a mmanu.
Sprajàmmu ccû la luci di la luna
fimmina, nova china e calanti
e comu a idda lucenti e cangianti
straviàti, scunfinàti e fora via.
Purtamu frutti di nova cuscenza
simenza antica, amuri nsichitànza.
A cunvivenza, u preju, a nostra scienza
n’apprufittàti dâ nostra pacienza.
Vinni lu tempu di lu nostru tempu
lu nostru tempu ca nun cc’è cchiù tempu.
Accunsintìti ccû mpocu i curaggiu
ca senza i niàutri si finìu u viaggiu.
×
![]()
