Language   

Language: Gaelic




Dh' aidh ceò nan stùc mu aodann Chuilinn,
Is sheinn a' bhean-shìth a torman mulaid,
Gorm shùilean ciùin san Dùn a' sileadh,
Bo'n thriall thu bhuainn 's nach till thu tuille.

Cha till, cha till, cha till Mac-Cruimein
An cogadh no sìth cha till e tuille;
Le airgiod no ni cha till Mac-Cruimein,
Cha till e gu bràth gu là na cruinne.

Tha osag nam beann gu fann ag imeachd,
Gach sruthan ’s gach allt gu mall le bruthaich;
Tha ealtainn nan speur feadh ghèugan dubhach,
A’ caoidh gu ’n d’ fhalbh ’s nach till thu tuille.

Cha till, cha till, cha till Mac-Cruimein
An cogadh no sìth cha till e tuille;
Le airgiod no ni cha till Mac-Cruimein,
Cha till e gu bràth gu là na cruinne.

Tha'n fhairge fa-dhèoigh làn bròin is mulaid
Tha'm bàta fo sheòl, ach dhiùlt i siubhal
Tha gàirich nan tonn le fuaim neo-shubhach
Ag ràbh gun d'fhalbh 'snach till thu tuille.

Cha till, cha till, cha till Mac-Cruimein
An cogadh no sìth cha till e tuille;
Le airgiod no ni cha till Mac-Cruimein,
Cha till e gu bràth gu là na cruinne.

Cha chluinnear do cheòl san Dùn mu fheasgar
'Smac-talla nam mùr le muirn ga fhreagairt
Gach fleasgach us òigh, gun cheòl gun bheadrach
O'n thriall thu bhuainn, 's nach till thu tuille.

Cha till, cha till, cha till Mac-Cruimein
An cogadh no sìth cha till e tuille;
Le airgiod no ni cha till Mac-Cruimein,
Cha till e gu bràth gu là na cruinne.



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org