Language   

De sfroos

Davide Van De Sfroos
Language: Italian (Lombardo "Laghèe")


Davide Van De Sfroos


I hènn siir che la löena la fa pagüra
i hènn siir de menga taant fiadà
de dree i nost fenèstri quaivedùn el ghe veed
de dree i nost fenestri quaivedùn el piang

L’è sempru püssèe dùr el sàcch in söe la spàla
l’è sempru püssèe scüür de nòcc el sentè
sarà mej mea vusà per nùm, sarà mej sbasass per nùm
sarà mej pregà per nùm, per nùm, per nùm

Nùm che vèmm de sfroos, de sfroos, de sfroos
Nùm che vèmm de sfroos, de sfroos
Nùm che vèmm de sfroos, de sfroos, de sfroos
Nùm che vèmm de sfroos, de sfroos

I hènn siir che smòrzen tücc i luus
i hènn siir che quaivedùn la meten in cruus
de dree i nostri öcc vorumm mea vedè
de dree i nostri öcc vorumm mea savè

El pàar fàa de piuumb el còr che g’hemm là
quand anca l’umbrìa la se mètt dree a sparà
sarà mej mea vusà per nùm, sarà mej sbasass per nùm
sarà mej pregà per nùm, per nùm, per nùm

Nùm che vèmm de sfroos, de sfroos, de sfroos
Nùm che vèmm de sfroos, de sfroos
Nùm che vèmm de sfroos, de sfroos, de sfroos
Nùm che vèmm de sfroos, de sfroos



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org