Language   

Cumari

Matilde Politi
Language: Sicilian



Si fussi masculu ti dassi lu celu
piccchì la tò vuci arrivau dda' ncapu
puru si dura ti parsi la strata
cu' pani arti e scarsa munita

Si fussi megghiu cantassi cu ttia
picchì si fimmina comu a mia
stindissi i tò nerbi comu linzola
p'un fari scurdariti ca' parola,
avi la forza di centu guerriera
di centu guerrera e di na' cumannera
ca s'iddu voli ti parra 'nzuccarata
pirchì di zuccaru avi a' taliata

Si fussi tò figghiu ti durmissi 'npettu
picchì vulissi pì primu lu postu
dunni u' silenziu addiventa canzuni
cu pani arti e sempri l'amuri

Si fussi megghiu cantassi cu tia
pirchì si fimmina comu a' mia
p'arricurdarinni ca pi vulari
amu a 'mparari a cusirinni l'ali,
c'hannu la forza di centu mutuar
di centu mutura e na' fimmina sula
chi s'iddu voli fa u' giru ddi munnu
picchì vula avutu comu talia 'nfunnu

Si fussi to patri ti dessi carizia
picchì di cuntentu avissi la forza
pi li pinseri prisenti e futuri
cu pani arti e la rivoluziuni

Si fussi megghiu cantassi cu ttia
picchì si fimmina comu a' mia
pi' cririri ca 'nsemmula semu cchiù forti
picchì li cosi nun su' sempri torti
c'avemu lu ciatu forti da' danza
di danza antica comu la pacenza
ca s'iddu voli ti cancia lu versu
accussi lu cantu e nun finisci persu


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org