Lingua   

Cavàrte dal fredo

Alberto D'Amico
Lingua: Italiano (Veneto Veneziano)



Cavarte dal fredo, da l'umidità
dai muri bagnài, dal leto gelà
portarte distante, fora de qua
donarte una casa, la comodità.
 
Tre stanse col bagno e 'l termosifon
e tanta aqua calda che la vien co' ti vol
scaldarte i pie, scaldarte le man
xe longo l'inverno, no basta el me fià.

Se buta siroco, vien 'vanti l'istà
e fora in laguna se sente cantar
turisti va in piassa, al Casinò
Cipriani fa schei, mi no ghe n'ò.

I vien par tre mesi a fotografar
colombi che svola, palassi sul mar
comprè cartoline che schei no ghe n'è
turisti da culo che schifo che fè.

Torna novembre, bate le tre
in leto strucài bevemo un brulé
xe fredo, xe aqua, xe tuto alagà
e semo più fondi de un ano fa.

Soto la tola un metro de mar
te sciopa la gola, te vien da sigar
xe morta la stua, se squagia el carbon
ti piansi e i to oci xe un'altra aluvion.

Portarte distante in cerca del sol
ma 'l sangue gh'ò fiapo, el peto me dol
novembre de bruto m'à 'sassinà
nianca el coragio me gh'à salvà.

San Marco e i palassi i vol salvar
però i venessiani pol anca 'spetar
i salvarà i santi, la sona industrial
Valeri Manera col cardinal,

Da Cioza a Fusina tuto va so
portarte distante dove no so
in fabrica forse i me ciaparà
'ndaremo a Marghera, forse a Milan.

E i veci no parte, i 'speta a morir
i mor venessiani, i mor col so vin
le vecie va a messa col sial e 'l cocon
le mor confessàe, disendo le orassion.

le vecie va a messa col sial e 'l cocon
le mor confessàe, disendo le orassion.


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org