Lingua   

La ballata dei Fratelli Cervi

Ignazio Buttitta
Lingua: Siciliano


Ignazio Buttitta


Vi canto la storia dei Fratelli Cervi,
dei sette fratelli contadini fucilati dai fascisti
a Reggio Emilia il 28 Dicembre del 1943.
Il padre è ancora vivo, la madre morì di dolore,
ma c’erano quattro vedove e undici figli.
Storia vera, ricordatelo.


I fascisti l’ammazzaru a lu poligunu di Reggiu
lu ricordu nun si cancella, jornu fu di sacrilegiu.
Ci diceva un fausu preti pi la strata di la morti:
“Cunfissati li piccati ca u Signuri v’apri i porti”.
Ci rispuseru i fratelli: “Libertati é nostra fidi,
cunfissati a li fascisti c’ammazzanu a cu cridi”.
I fascisti ci dicevanu: ”si muriri nun vuliti,
rinnigatila la fidi e fascisti vi faciti.”
Rispunnevano sdegnati:
“Semu sangu emilianu e spurcari nun vulemu
ni lu cori e mancu i manu”.
Amavano la libertà i Cervi, amavano la terra, madre di tutti,
la coltivavano con ingegno e con amore.

Cuannu fu l’8 Settembri diventò la fattoria una tappa di sbandati:
cu arrivava, cu partia, cu vuleva libertati
pi la terra italiana
li purtavanu ‘nte munti pi la lotta partigiana.
Li fascisti li sbintaru, circunnaru la cascina,
la nuttata era scura e la negghia era na curtina.
Era la notte del 25 Novembre del 1943.

Grida :”Allarmi !” patri Cervi ,cumannanti pupulanu,
la cascina addivintau centu vucchi di vurcanu.
Doppu n’ura di battagghia li fascisti, genti vili,
ccu li cauzi cacati dannu focu a lu finili.
Dissi u vecchiu:”Nun m’arrennu, megghiu muriri abbruciatu”.
Ma lu figghiu Aldu dissi, dissi a cori scunsulatu:
“Patri miu, ci sunu i figghi nta lu pettu di li mammi,
puru ju vurria muriri, comu a tia, menzu a sti fiammi”.
E si muzzica li manu pi la rabbia e lu sconfortu.
Patri Cervi chiuj l’occhi cu la facci gialla d’un mortu .
Poi l’eroi s’arrineru, cchi spartenza dulurusa,
patri e matri, figghi e nori si vasaru a la rinfusa.
“Non piangete”‒ dicevano ai figli e alla madre‒ ”Torneremo”.
E sapevano che non sarebbero più tornati.

Arridutta peddi e ossa, travagghiari nun putia,
si vasava a li niputi e pi nun chiangiri ridia.
Nun appena era sula ne la stanza si chiujeva
e li letti di li figghi li faceva e disfaceva.
Li faceva e disfaceva di continuu, uri e uri,
era menti senza redini e li manu vannu suli.
Finu all’urtimu cuntava cu lu jtu tutti i letti
E li nomi di li figghi ripeteva finu a setti:
Uno Ettore, dui Ovidio…fino a setti ripeteva .
E lu cuntu cuminciava, cuminciava e nun finiva.
E criscevanu li figghi ‘nta la stanza a setti a setti,
e la matri, la matri figghi cunta, figghi assumma e figghi metti,
e li figghi, li figghi accatastati sunnu mille,… un miliuni.
Cuantu morti, cuantu sangu, cchi terribili cicluni!
(Considerate lo stato della madre dei Cervi.
I figli non si comprano all’asta, non si pescano nel fondo del mare,
non basta dire era pelle ed ossa, un’ombra si spegneva lentamente,
non basta, era la madre di sette figli ammazzati
e al cuore misuri il polso.)

A lu postu di la morti prima d’essiri sparati,
si vasaru e si vasaru cu li manu ‘ncatinati.
A la scarica di focu gridò Aldu a vuci forti:
“Non muremu, non muremu “ed infatti non su’ morti.
Sunnu morti pi li morti, pi li vivi vivi sunnu.
La so fidi e lu su amuri sunnu l’occhi di lu munnu.

Sunnu vivi pi lu patri ca cumpì li novant’anni
e li vidi ogni mumentu ca diventanu cchjù ranni.
A la notti , mentri dormi , si li trova pi davanti
e ci parra, ci parra comu parranu li fidili a li so santi.
A la matina si risvigghia e nun vidi tettu e muru,
ma li figghi pi li campi tutti setti a lu lavuru.

[Pi la casa, ahi cchi pena! La mugghieri gira ancora;
setti spati nta lu pettu e lu sangu sgriccia fora!] [1]
[1] Sta strofa nun c’è nte la cantata di Tano Avanzato.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org