Lingua   

Chi 'o sape chi 'o dice

NeoMediTerra
Lingua: Napoletano


NeoMediTerra


Alluccan' 'e creature (fujeno pur''e viecchie)
scurore dint'all'uocchie (e strille dint''e rrecchie)
quanno pe' dint''o vico (s'accascia 'na nennell')
ed è l'urdema vota (ca' vide st'uocchie bell')

chi 'o sape (chi 'o sape)
chi 'o sape (e nun t''o ffa sape')
chi 'o dice (chi 'o dice)
chi 'o dice (ma nun t''o ffa capi')

Se strigne 'mpietto 'o core (pe' st'anema innocente)
ca' nun 'a visto ammore (pe' colpa 'e n'omm' 'e niente)
sti camurriste 'nfame (ca' ll'anno tolta a vita)
cchiù nire d''o catrame (è 'a cuscienza ca' tenite)

chi 'o sape (chi 'o sape)
chi 'o sape (e nun t''o ffa sape')
chi 'o dice (chi 'o dice)
chi 'o dice (ma nun t''o ffa capi')

Guagliune a dudece anni (nun sanno cher''e' 'a scola)
'a mano ca nu' scrive (po' afferra 'na pistola)
a 'o popolo c'aspetta (pe' dint''e viche 'o stato)
'o viecchio rire e dice ("ma quann' mai c'è stato")

chi 'o sape (chi 'o sape)
chi 'o sape (e nun t''o ffa sape')
chi 'o dice (chi 'o dice)
chi 'o dice (ma nun t''o ffa capi')

'E ll'uocchie c'hanno visto (chi accis' a nanninella)
mo' tenen' paura (arret''a fenestrella)
ce stesse pur''a voglia ('e denuncià 'sta ggente)
ma po' te guard' attuorno (e sulo tu te siente)

[chi 'o sape (chi 'o sape)
chi 'o sape (e nun t''o ffa sape')
chi 'o dice (chi 'o dice)
chi 'o dice (ma nun t''o ffa capi')]



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org