Language   

Lo condamnat

Patric


Patric


Son venguts, vestits de blau
A l'ostal un jorn d'ivèrn
An parlat a mièja-votz
I èras pas aqueste ser
Son venguts prèp de la taula,
M'an trapat coma un bandit
Puèi m'an cridat dins las aurelhas
Qu'ara tot, tot èra finit

E soi aquí sol dins lo càrri
E sabi pas onte me'n vau
E soi aquí sol dins lo càrri
Entre dos òmes vestits de blau,
vestits de blau

Son venguts vestits de blanc
E m'an paupat de pertot
An parlat a mièja-votz
I èras pas tu, tu mon amor
Son venguts prèp de la taula
An escrich sens me parlar
Puèi me diguèron qu'èri un brave
E me mandèron lo curat.

E soi aqui sol dins la cambra
En trin de cercar mos pecats
E soi aquí sol dins la cambra
Per faire plaser, per faire plaser
Al curat.

Son venguts, vestits de roge
E m'an prés sens me parlar
Lo curat, lo curat disia "Coratge!"
I èras pas per m'ajudar.
Me donèron, me donèron una pipa
E me diguèron: "Es la darrièra!".
Ai cridat, ai cridat, ai dich ton nom,
Puèi demandèri de faire la letra.

E soi aquí: te fau la letra
Davant aquel grand cotèl blanc
E soi aquí: te fau la letra
Lo veirai pas, lo veirai pas
Mon paure enfant.



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org