Language   

Sandino

BAP
Language: Low German (Kölsch)



Koot vüür Massaya steht links ’ne Birch röm, (1)
’Ne Birch, wie ’n Kinder mohle, steil un spetz,
Met ’ner Asphaltstrooß, die ahn ihm huhklimmp,
Un ’nem Betonschloss, dat wer dropjesetz.

’T heiß Coyotepe, un wenn wer huhjeht, (2)
Hührt e’ dä Schrei noch, weil dä nie verhallt.
Dä noch anklaach un fleht, he, wo nur noch Wind weht,
Durch Kellerflure, dunkel, feuch un kalt.

Luhrt durch die Zinne, do litt Monimbo’, (3)
Dös friedlich ungen enn der Meddaachssonn.
Do jitt et Helde, tatsächlich Helde,
Luhrt se üch ahn, sons weed er’t nie verstonn.

Sandino, ich hann ding Enkel jesinn.
Sandino, wa’ ‘ss loss enn dingem Jraav?
’T weed Zick, dat du als Letzter laachs, dodrin.
Sandino, ey Mann, ihr kritt dat hin!
Ich jönn dir, dat du endlich laachs, laachs un laachs.

Conquistadore enn Caravelle
Un spääder dann die Technokrate enn Jets
Hann immer widder un övverall he
Üch Marionette op dä Thron jesetz.

Bloot enn Haiti, Verschwundne ’nn Chile,
Mütter enn Schwazz enn Paraguay,
Witwen enn Träne, Contra-Hyäne,
Rekorderlöse enn Panama.

Sandino, ich hann ding Enkel jesinn.
Sandino, wa’ ‘ss loss enn dingem Jraav?
’T weed Zick, dat du als Letzter laachs, do drin.
Sandino, ey Mann, ihr kritt dat hin!
Ich jönn dir, dat du endlich laachs, laachs un laachs.

Ausweiskontroll enn Matagalpa, (4)
Dä Jung entschuldigt sich un jitt mir ’n Hand,
Säät „Compañero“, beet mir ’n Zijarett ahn,
Die Bröck wöhr wichtig für’t befreite Land,
Dat Moot zem Dräume trotz all dä Morde hätt,
Dat leerjeplündert ess noh Gutsherrn-Art.
Zweidausend Meile entfernt em Norden,
Do weeden neue Lüje praatjelaat.

Sandino, ich hann ding Enkel jesinn.
Sandino, wa’ ‘ss loss enn dingem Jraav?
’T weed Zick, dat du als Letzter laachs, do drin.
Sandino, ey Mann, ihr kritt dat hin!
Ich jönn dir, dat du endlich laachs, laachs un laachs.
(1) Masaya, capoluogo dell'omonimo municipio nicaraguense.

(2) Coyotepe, monte nei pressi di Masaya. Nel 1912, durante l'invasione statunitense, il Coyotepe fu teatro di una cruenta battaglia tra marines e partigiani nicaraguensi.

(3) Monimbó, nome dei nativi di ceppo chorotega che vivevano nell'area di Masaya.

(4) Matagalpa, capoluogo dell'omonimo municipio, è una delle più importanti città del Nicaragua.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org