Lingua   

Mare varcandu

Nidi d'Arac
Lingua: Italiano (Pugliese Salentino)



Lu mare è prufundu, lu jundi luntani
pensandu a Ninella, pregandu a Maria
la vista sconfina, su l'ecchi le mani
luntana, chiù funda de nostalgia

la coffa è nu purpitu rittu allu 'ientu
e jeu de vedetta: nu mutu oratore
e poi mare e mare lu viciu e lu sentu;
nu bancu no passa ma passanu l'ore

e cercu na pace cu pozzu approdare
addhù ogni pensieru dae luce allu mundu
miu Diu, su' sulu de fronte a stu mare
la pace sprufunda sutt'acqua lu fundu

a dritta cumpare na vecchia carretta
mo scinde la randa mo sale la stiva
e l'onda, ca fuce ca no tene fretta
la 'nghiutte e la sputa e vae alla deriva

la coffa la scangiu pe nu minaretu
addù lu muezzin va 'ntona lu cantu
la Mecca de nanti, lu 'ientu de retu
spaccau menzatia de venerdì santu!

E vaga dispersa sta barca allu sbandu
nu sole cocente su na mezza luna
sfidandu li jundi, lu mare varcandu
va' cerca luntanu n'ignota fortuna


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org