Lingua   

L òrc ariverà

I Belumat
Lingua: Italiano (Veneto Settentrionale, Bellunese)


I Belumat


Te ón magnada, robada, invelenada,
castrada, scasada, sasinada;
coionada t ón trat te n ledamèr!
Útu ciamarne fiói? Útu ciamarne fiói?

E l òrc ariverà
vestì de cativèria
a rónper la mi∫eria
che do in tèra avón piantà.

E l òrc ariverà
co i mostri de la guèra
e s-cioperà la tera,
sol de∫erto resterà.

Te ón ∫bu∫ada, descuèrta e tami∫ada,
ciuciada, moldésta, consumada;
sofegada, te ón ciólt ogni to avér...
Útu ciamarne fiói? Útu ciamarne fiói?

E l òrc ariverà
vestì de cativèria
a rónper la mi∫eria
che do in tèra avón piantà.

E l òrc ariverà
co i oci de i bocete
e l ne farà bau-sète
intant che l mondo l bru∫erà.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org