Lingua   

Lingua: Cabilo


Lounis Aït Menguellet / Lewnis At Mangellat


Ma tessneḍ abrid-ik
Ma teẓriḍ s anda tleḥḥud
Ffeγ err-d tawwurt-ik
Ur tettneqlabeḍ ur tettruḍ
Di ṭṭlam ḥess i later-ik
Ṣṣut-enn a s-tḥulfuḍ
Lweḥc n-yiḍ d arfiq-ik
Γleb-it neγ ad as-teknuḍ
Abrid i s tumneḍ yiw-wass
A k-iǧǧ neγ yes-k ad yeglu
Tesεa-u-tesεin d aḥlalas
Tis-meyya la k-tettraǧu
Ay iminig n-yiḍ

Ma tezgel-ik zzedwa
Ma teǧǧa-k ad tessiwḍeḍ
Ini-asen amek nella
Tudert-nneγ a sen-tt-temleḍ
Yiwet tgwecrirt di lqaεa
Ala tettraǧu tayeḍ
Lweqt yettεeddi ur neẓra
Ma a d-tekker neγ ard a tt-taweḍ
Kečč γur-k a k-id-yelḥeq wass
Ammer yes-k ad yeglu
Tesεa-u-tesεin d aḥlalas
Tis-meyya la k-tettraǧu
Ay iminig n-yiḍ

Ma tewweḍ ini-asen
Ini-asen ḥsebt-tt tektal
At Rebbi la d-sellen
Meεna ugin a d-rren awal
Mazal nettraǧu-ten
Leεnaya-nsen ma a d-tuγal
Alarmi γlin ifassen
Ifuk lǧehd i lecγal
Ini-asen nehlek layas
Ma tkemmel akka ad aγ-yettu
Tesεa-u-tesεin d aḥlalas
Tis-meyya la k-tettraǧu
Ay iminig n-yiḍ

Mi d-tenγer tṣebḥit
Tewwi-k zzedwa teγliḍ
Terreẓ tiγri n talwi
Ur sellen lexbar tewwiḍ
Tluleḍ tameddit
Tudert-ik d yiwen yiḍ
Isem-ik ṭṭlam ijmεe-it
Temmuteḍ iṭij ur t-teẓriḍ
Teγliḍ mi i-yuli wass
Teǧǧiḍ layyas deffir-k
Tesεa-u-tesεin d aḥlalas
Tis-meyya la k-tettraǧu
Ay iminig n-yiḍ.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org