Travagghiaturi se m'ascutati na storia vi vogghiu raccuntari
ca vi interessa a tutti, cari frati, pirchì iu vi difennu lu campari
va raccumannu si pi caritati nun mi faciti li senzi sgarrari
ca sunu cosi troppu dilicati 'nzoccu raccuntu cu lu me cantari.
Mi dissi la sant'arma di me nannu, “Non ti scurdari niputeddu miu
fuiti l'ingiustizia e di l'ingannu, fai bene sempri, adura sempri a Diu”
ed iu propriu chistu staiu fannu, cu tantu amuri e mai mi spazientiu
però lu riccu di cori tirannu non lu fa mai 'nzoccu fazzu iu.
Ormai lu canusciu cottu e crudu, sacciu macari quantu grammi pisa
si fingi ca è gentili giustu e puru, in ogni cosa pi la so difisa
ma lu so cori è assai niuru e duru 'nfacci di cu si vagna la cammisa
cu l'amici va fannu lu cungiuru, schiticchi e banchittati a grandi spisa.
Pisci, sasizza, capretti e puddami, li puri pasti sicchi e panittuni
nveci lu puvireddu 'nsacca fami e va cadennu 'nda li gnuni gnuni
pirchì non mangia autru ca fugliami e certi jorna la passa dijuni
ah che vitazza, che vitazza 'mfami, u servu guarda e mangia lu patruni.
Mangiunu i ricchi zoccu ci piaci, li puvireddi mancu avemu favi
e di chiù ancora st'omini rapaci ni vulissiru fari di iddi schiavi
su tradituri, su genti fallaci e vannu pridicannu ca su bravi
lu falsu agiri so nun nu piaci, comu non piaciu a li nostri avi.
Li nostri avi foru maltrattati di sti tiranni e maliditti genti
guduti morti di fami e frustati tinevanu li poviri pi nenti
facevanu daveru pietati pur’a li petri, miseri ‘nuccenti
ma li riccuni, cori vili e ngrati, davunu corpi a malidittamenti.
Nunca fratuzzu miu, lu stai sintennu, chisti su discinnenti di chiddi tali
ammatula ca tu ci vai chiancennu ti stricunu chiù peggiu di lu sali
e si macari ca stai murennu nun sannu fari autru ca mali
li so minzogni non iri cridennu s'annunca non tu levanu u vistali.
Lu riccu tanti cosi ni prumetti e po’ alla fini na mustra li denti
perciò babbu chi si tu chi n'aspetti di sti firoci e niuri sirpenti
Si teni fidi d'iddi 'nte sacchetti, finu ca campi nun ti trovi nenti
ma siddu cridi a mia ci rifletti, trovi travagghiu e pani jornalmenti.
Guarditi comu si tuttu strazzatu, cu centu pezzi davanti e dareri
'nfacci mi pari un mortu svurricatu, ma tu si vivu e chinu di pinzeri
guadagni certu, pirchì un'ha mangiatu e mancu li to figghi e to mugghieri
guarda lu riccu comu sta abbuffatu, mangiannu pranzi di centu maneri.
Teni in cantina lu lardu salatu e sta appizzatu di cosi pajani
saimi, ogghiu, furmaggiu 'mpustatu, vinelli curi nda lettu annunciati
lu cocu cu l'orariu assignatu, ti dici oggi chi mangia dumani
lu servu ci sta sempri misu a latu ma jè trattatu peggiu di li cani.
Teni na casa granni e ammubiliata, ca sa ci trasi na resti 'ncantatu
si vidi la so tavula cunzata a lu guardari ti tiri lu sciatu
tutti li jorna si fa la scialata, lu riccu panza granni e cori ingratu
pi iddu nunn'esisti malannata, comu lu porcu ca veni addrivatu.
E tu chi teni dintra lo to casa li guadagli che jetti di pitittu
quannu mi nesci li piatti a rasa e pi secunnu u pani duru e schittu
lu riccu che ti dici 'nterra vasa, ca chistu l'hai santu e binidittu
invece assai sbagliata la so frasa pirchì di iddu ci avemu chiù dirittu.
Diritti d’ogni cosa pirchì nui travagghiamu lu pani di dutturi
mentri iddu lu travagghia sempri sfui ca lu divertimentu ci ava amuri
perciò cu c'havi chiù dirittu cui, nuatri ca spinnemu tantu onuri
d'un pani ni facemu sempri dui e lu mulinu macina tutt'uri.
Ca siddu lu mulinu non macina tuttu si ferma in terra in celu e mari
quantu vali tanticchia di farina ca fa tuttu lu munnu circulari
siddu lu cuntadinu nun simina chiù lu mulinu non po macinari
perciò un faciti chiddu ca si frina, lu riccu si duvissi addinunziari.
Non è pe’ niente affattu arrispittatu l'omu travagghiaturi di sti genti
e ni vena lu spissu maltrattatu di sta razza caina e dilinguenti
[???] di fami friddu e mali internamenti
lu male cuntagiusu è assai avanzatu pirchi l'omu non ci avi chiù alimenti.
Pirchì li nostri figghi su sucati, pirchì nun ci hannu mai ‘nzoccu anna aviri
pirchì li figghi so sunu 'mbrucchiati ca mancianu cu centu piaciri
cicculattini dulci a pacchittati mentri li nostri jettunu suspiri
o specialmenti quannu su malati n'avennu mezzi c’attocca muriri.
Lu riccu menta avanti la vittura e va currennu malidittamenti
va girannu lu munnu tempu n'ura circannisi li beddi gudimenti
si spenni sordi assai non si ni cura basta ca trova fimmini eccillenti
ma si fallisci e si trova in malura si spara pi non vidiri chiù nenti.
Lu puvireddu quannu a fari strata a lu sceccu ci metti lu vadduni
e parti cu tri ura 'n matinata supra lu sceccu comu un passuluni,
quannu s'annoia si fa na cantata pirchì lu spassu so su li canzuni
ma soffri spissu di la malannata pirchì l'ha suttamisu lu patruni.
Perciò viditi la gran diffirenza ca passa di lu riccu o puvireddu
nui ni pigghiamu lu pani a cridenza e iddi i sordi li teni ammucciuni
pi li capricci li sordi non pensa ma cu nuatri affila lu cuteddu
lu riccu d'accussì ni ricumpensa, dannini un corpo a testa di marteddu.
La puviredda quannu figgli addratta s'addibulisci di corpu e di menti,
a pani schittu lu corpu s'adatta mentri la panza ci duna turmenti
certi jurnata è peggiu di na jatta, ca sciauru di carni e pisci senti
ma di la fami la mischina scatta e l'addrevi s'ammala e campa a stenti.
La donna ricca quannu è incinta appena veni trattata cu li gialli guanti
e si ci manca tanticchia di lena subbutu c’è lu medicu curanti
ci dici ca mangiari pi la cena pi scansari li cibi chiù pisanti
e a novi misi pari na balena pirchì li curi sona stati tanti.
Perciò viditi quantu cosi storti fatti di l'omu contro a n'autru omu
disparità macari nta la morti ca di vidirlu nun lu sacciu comu
e tu fissa ti cunorti cridennu ca lu riccu è un galantomu
t'ha chiusu sempri e ti chiudi li porti comu bastardu ca nun porti nomu.
Poviru frati miu, tu non mi senti forsi pirchì ti paru na furmica
mentri a lu riccu ci stai sull'attenti dicenneci voscenza benedica
cu la coppula 'nmanu ti cimenti ma più ti 'ncali e chiù ti si nimica
sunu sbagliati li to sentimenti, sceccu cu n'autru sceccu si vo strica.
Riccu cu n'autru riccu si cunsiglia e tutti dui fannu n'allianza
pi mettiri a lu populu la briglia e non lassari la so antica usanza
ma di la massa c'è cu s'arrisbiglia e manu a manu jetta la gnuranza
diventunu liuni li cuniglia e vanu avanti versu la speranza.
Poviru tu, cunsigliati cu mia, ca non ti pozzu, frati, chiù ingannari
pirchì sugnu chiù poviru di tia e cercu di putiriti aiutari
'Nveci la massa di la signuria t'alludi scegghi, inganna cu ddu fari
ti parla sempri di Cristu e Maria facennuti lu pani addisiari.
Ma Diu chi scrissi 'nde Cumannamenti, dati a mangiari a poveri e affamati
iuncennu puri l'Onnipotenti di dari vinu e acqua all'assitati
ma di sti cosi nun videmu nenti li cumanni di Diu su trascurati
perciò cu li po cridiri sti genti se sunu farsi ca Divinitati.
Forsi nuialtri a Cristu l'aduramu, senza essiri falsi e malfatturi
forsi lu nostru prossimu aiutamu cu tanta carità, cu tant'amuri
li cumanni di Diu forsi osservamu suffrennu cu pazienza tutti l'uri
e quannu un jornu ni c'appresintamu nun ni canciamu in faccia di culuri.
Ma iddi ca si vannu a prisintari cu ddi piccati in faccia o Patreternu
Micheli lestu si metti a pisare cu la vulanza so di giustu pernu
un diavulu pi pisu fa assittari, dicennici vi pisu e poi vi cernu
cu ddi piccati nun li po pirdunari e li manna a brusciari 'nda l'Infernu.
Pirchì giustizia ci sta un libru misu apertu ca lu legge lu Signuri
ca duna la cunnanna ed è precisu, lu nostru summu Diu Patri d'Amuri
Chiddi sanu ca vannu in Paradisu, ca di li fatti so sunu sicuri
comu ci ponu iri cu ddu pisu ddi piccati fatti e d'imposturi.
Semu in passaggiu nta sta brutta terra, poviri e ricchi muremu tutt'uri
perciò pirchi cu nui tutta sta scera ca ni mittiti in cori lu rancuri?
La nostra menti quasi quasi spera e siddu spera su peni e duluri
livatila cu nui tutta sta guerra, pani e rispettu a li travvaghiaturi!
Terminau la vita di na vota, ca lu travagliaturi era babbanu
ora tinemu tuttu scritto a nota e nenti scappa di li nostri manu
lu munnu va girannu comu rota e nui chiù ni svigliamu a manu a manu
ma si qualcunu dormi qualchi vota cu li canzuni lu risvigghia Stranu
ma si qualcunu dormi qualchi vota cu li canzuni lu risvigghia Stranu.
ca vi interessa a tutti, cari frati, pirchì iu vi difennu lu campari
va raccumannu si pi caritati nun mi faciti li senzi sgarrari
ca sunu cosi troppu dilicati 'nzoccu raccuntu cu lu me cantari.
Mi dissi la sant'arma di me nannu, “Non ti scurdari niputeddu miu
fuiti l'ingiustizia e di l'ingannu, fai bene sempri, adura sempri a Diu”
ed iu propriu chistu staiu fannu, cu tantu amuri e mai mi spazientiu
però lu riccu di cori tirannu non lu fa mai 'nzoccu fazzu iu.
Ormai lu canusciu cottu e crudu, sacciu macari quantu grammi pisa
si fingi ca è gentili giustu e puru, in ogni cosa pi la so difisa
ma lu so cori è assai niuru e duru 'nfacci di cu si vagna la cammisa
cu l'amici va fannu lu cungiuru, schiticchi e banchittati a grandi spisa.
Pisci, sasizza, capretti e puddami, li puri pasti sicchi e panittuni
nveci lu puvireddu 'nsacca fami e va cadennu 'nda li gnuni gnuni
pirchì non mangia autru ca fugliami e certi jorna la passa dijuni
ah che vitazza, che vitazza 'mfami, u servu guarda e mangia lu patruni.
Mangiunu i ricchi zoccu ci piaci, li puvireddi mancu avemu favi
e di chiù ancora st'omini rapaci ni vulissiru fari di iddi schiavi
su tradituri, su genti fallaci e vannu pridicannu ca su bravi
lu falsu agiri so nun nu piaci, comu non piaciu a li nostri avi.
Li nostri avi foru maltrattati di sti tiranni e maliditti genti
guduti morti di fami e frustati tinevanu li poviri pi nenti
facevanu daveru pietati pur’a li petri, miseri ‘nuccenti
ma li riccuni, cori vili e ngrati, davunu corpi a malidittamenti.
Nunca fratuzzu miu, lu stai sintennu, chisti su discinnenti di chiddi tali
ammatula ca tu ci vai chiancennu ti stricunu chiù peggiu di lu sali
e si macari ca stai murennu nun sannu fari autru ca mali
li so minzogni non iri cridennu s'annunca non tu levanu u vistali.
Lu riccu tanti cosi ni prumetti e po’ alla fini na mustra li denti
perciò babbu chi si tu chi n'aspetti di sti firoci e niuri sirpenti
Si teni fidi d'iddi 'nte sacchetti, finu ca campi nun ti trovi nenti
ma siddu cridi a mia ci rifletti, trovi travagghiu e pani jornalmenti.
Guarditi comu si tuttu strazzatu, cu centu pezzi davanti e dareri
'nfacci mi pari un mortu svurricatu, ma tu si vivu e chinu di pinzeri
guadagni certu, pirchì un'ha mangiatu e mancu li to figghi e to mugghieri
guarda lu riccu comu sta abbuffatu, mangiannu pranzi di centu maneri.
Teni in cantina lu lardu salatu e sta appizzatu di cosi pajani
saimi, ogghiu, furmaggiu 'mpustatu, vinelli curi nda lettu annunciati
lu cocu cu l'orariu assignatu, ti dici oggi chi mangia dumani
lu servu ci sta sempri misu a latu ma jè trattatu peggiu di li cani.
Teni na casa granni e ammubiliata, ca sa ci trasi na resti 'ncantatu
si vidi la so tavula cunzata a lu guardari ti tiri lu sciatu
tutti li jorna si fa la scialata, lu riccu panza granni e cori ingratu
pi iddu nunn'esisti malannata, comu lu porcu ca veni addrivatu.
E tu chi teni dintra lo to casa li guadagli che jetti di pitittu
quannu mi nesci li piatti a rasa e pi secunnu u pani duru e schittu
lu riccu che ti dici 'nterra vasa, ca chistu l'hai santu e binidittu
invece assai sbagliata la so frasa pirchì di iddu ci avemu chiù dirittu.
Diritti d’ogni cosa pirchì nui travagghiamu lu pani di dutturi
mentri iddu lu travagghia sempri sfui ca lu divertimentu ci ava amuri
perciò cu c'havi chiù dirittu cui, nuatri ca spinnemu tantu onuri
d'un pani ni facemu sempri dui e lu mulinu macina tutt'uri.
Ca siddu lu mulinu non macina tuttu si ferma in terra in celu e mari
quantu vali tanticchia di farina ca fa tuttu lu munnu circulari
siddu lu cuntadinu nun simina chiù lu mulinu non po macinari
perciò un faciti chiddu ca si frina, lu riccu si duvissi addinunziari.
Non è pe’ niente affattu arrispittatu l'omu travagghiaturi di sti genti
e ni vena lu spissu maltrattatu di sta razza caina e dilinguenti
[???] di fami friddu e mali internamenti
lu male cuntagiusu è assai avanzatu pirchi l'omu non ci avi chiù alimenti.
Pirchì li nostri figghi su sucati, pirchì nun ci hannu mai ‘nzoccu anna aviri
pirchì li figghi so sunu 'mbrucchiati ca mancianu cu centu piaciri
cicculattini dulci a pacchittati mentri li nostri jettunu suspiri
o specialmenti quannu su malati n'avennu mezzi c’attocca muriri.
Lu riccu menta avanti la vittura e va currennu malidittamenti
va girannu lu munnu tempu n'ura circannisi li beddi gudimenti
si spenni sordi assai non si ni cura basta ca trova fimmini eccillenti
ma si fallisci e si trova in malura si spara pi non vidiri chiù nenti.
Lu puvireddu quannu a fari strata a lu sceccu ci metti lu vadduni
e parti cu tri ura 'n matinata supra lu sceccu comu un passuluni,
quannu s'annoia si fa na cantata pirchì lu spassu so su li canzuni
ma soffri spissu di la malannata pirchì l'ha suttamisu lu patruni.
Perciò viditi la gran diffirenza ca passa di lu riccu o puvireddu
nui ni pigghiamu lu pani a cridenza e iddi i sordi li teni ammucciuni
pi li capricci li sordi non pensa ma cu nuatri affila lu cuteddu
lu riccu d'accussì ni ricumpensa, dannini un corpo a testa di marteddu.
La puviredda quannu figgli addratta s'addibulisci di corpu e di menti,
a pani schittu lu corpu s'adatta mentri la panza ci duna turmenti
certi jurnata è peggiu di na jatta, ca sciauru di carni e pisci senti
ma di la fami la mischina scatta e l'addrevi s'ammala e campa a stenti.
La donna ricca quannu è incinta appena veni trattata cu li gialli guanti
e si ci manca tanticchia di lena subbutu c’è lu medicu curanti
ci dici ca mangiari pi la cena pi scansari li cibi chiù pisanti
e a novi misi pari na balena pirchì li curi sona stati tanti.
Perciò viditi quantu cosi storti fatti di l'omu contro a n'autru omu
disparità macari nta la morti ca di vidirlu nun lu sacciu comu
e tu fissa ti cunorti cridennu ca lu riccu è un galantomu
t'ha chiusu sempri e ti chiudi li porti comu bastardu ca nun porti nomu.
Poviru frati miu, tu non mi senti forsi pirchì ti paru na furmica
mentri a lu riccu ci stai sull'attenti dicenneci voscenza benedica
cu la coppula 'nmanu ti cimenti ma più ti 'ncali e chiù ti si nimica
sunu sbagliati li to sentimenti, sceccu cu n'autru sceccu si vo strica.
Riccu cu n'autru riccu si cunsiglia e tutti dui fannu n'allianza
pi mettiri a lu populu la briglia e non lassari la so antica usanza
ma di la massa c'è cu s'arrisbiglia e manu a manu jetta la gnuranza
diventunu liuni li cuniglia e vanu avanti versu la speranza.
Poviru tu, cunsigliati cu mia, ca non ti pozzu, frati, chiù ingannari
pirchì sugnu chiù poviru di tia e cercu di putiriti aiutari
'Nveci la massa di la signuria t'alludi scegghi, inganna cu ddu fari
ti parla sempri di Cristu e Maria facennuti lu pani addisiari.
Ma Diu chi scrissi 'nde Cumannamenti, dati a mangiari a poveri e affamati
iuncennu puri l'Onnipotenti di dari vinu e acqua all'assitati
ma di sti cosi nun videmu nenti li cumanni di Diu su trascurati
perciò cu li po cridiri sti genti se sunu farsi ca Divinitati.
Forsi nuialtri a Cristu l'aduramu, senza essiri falsi e malfatturi
forsi lu nostru prossimu aiutamu cu tanta carità, cu tant'amuri
li cumanni di Diu forsi osservamu suffrennu cu pazienza tutti l'uri
e quannu un jornu ni c'appresintamu nun ni canciamu in faccia di culuri.
Ma iddi ca si vannu a prisintari cu ddi piccati in faccia o Patreternu
Micheli lestu si metti a pisare cu la vulanza so di giustu pernu
un diavulu pi pisu fa assittari, dicennici vi pisu e poi vi cernu
cu ddi piccati nun li po pirdunari e li manna a brusciari 'nda l'Infernu.
Pirchì giustizia ci sta un libru misu apertu ca lu legge lu Signuri
ca duna la cunnanna ed è precisu, lu nostru summu Diu Patri d'Amuri
Chiddi sanu ca vannu in Paradisu, ca di li fatti so sunu sicuri
comu ci ponu iri cu ddu pisu ddi piccati fatti e d'imposturi.
Semu in passaggiu nta sta brutta terra, poviri e ricchi muremu tutt'uri
perciò pirchi cu nui tutta sta scera ca ni mittiti in cori lu rancuri?
La nostra menti quasi quasi spera e siddu spera su peni e duluri
livatila cu nui tutta sta guerra, pani e rispettu a li travvaghiaturi!
Terminau la vita di na vota, ca lu travagliaturi era babbanu
ora tinemu tuttu scritto a nota e nenti scappa di li nostri manu
lu munnu va girannu comu rota e nui chiù ni svigliamu a manu a manu
ma si qualcunu dormi qualchi vota cu li canzuni lu risvigghia Stranu
ma si qualcunu dormi qualchi vota cu li canzuni lu risvigghia Stranu.
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
