Language   

איל ריי די פראנסייה

GLI EXTRA DELLE CCG / AWS EXTRAS / LES EXTRAS DES CCG
Language: Ladino




איל ריי די פראנסייה
טריס אישאס טיניה
לה אוּנה לאבראבה,
לה אוטרה קוּזיה.

לה מאס ג֜יקה דאילײאס
באסטידור אזיה,
לאבראנדו לאבראנדו
סואינײו לי קאיה.

סוּ מאדרי קי לה ביה
אחארבאר לה קיריה.
נו מ'אחארביש מי מאדרי,
ני מ'אחארבאריאש.

אוּן סואינײו מי סונײבה,
בײן אי אליגריה.
סואינײו בוס סונײאבאש,
ייו בו לו סולטאריה.

מ'אפארי א לה פואירטה,
בידי לה לוּנה אינטירה,
מ'אפארי א לה בינטאנה,
בידי לה איסטרילײה דײאנה.

מ'אפארי אל פוזו,
בידי אוּן פילאר די אורו
קון טריס פאשאריקוס
פיקאנדו איל אורו.

לה לוּנה אינטירה
איס לה טוּ סואיגרה,
לה איסטרילײה דײאנה
איס לה טוּ קוּנײאדה.

לוס טריס פאשאריקוס
סון טוּס קוּנײאדיקוס,
אי איל פילאר די אורו
איל אישו דיל רײ, טוּ נובייו



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org