Language   

E prigione francese

Chjami Aghjalesi
Language: Corsican



In e cellule di francesi
Ci sò Corsi incatenati
Luntanu da li paesi
Privi soli addisperati
Per avè pensatu corsu si sò trovi incarcerati.
Per avè pensatu corsu si sò trovi incarcerati.

S'ell'ùn hè corsu lu sangue
Noi ne simu la cagione
U ministru di l'internu
Forse mi darà ragione
Ellu ci vulia mette per sempre lu cavizzone.
Ellu ci vulia mette per sempre lu cavizzone.

Curaghju li mio fratelli
Ch'ell'ùn vi scappi la fede
A sperenza hè una surgente
Chì face stancià la sete
Hè una forza divina chì face francà le rete.
Hè una forza divina chì face francà le rete.

Ma ùn site micca soli
À mez'à sti quattru muri
Un populu v'accumpagna
Ne pudete esse sicuri
Quellu di li veri corsi ch'anu sappiutu stà puri.
Quellu di li veri corsi ch'anu sappiutu stà puri.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org