Sout ai froui, darè d'na gria,
Fra j'aragn d'i catafus,
Son vint ani ch'i scrivìa
« Canta e rid da to pertus ».
I t'às fait un bel guadagn
A smentiè coui bravi aragn !
Torna, torna ant to canton.
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Gran contrast e gran misteri !
L'om se stess peul nen capì !
Mentre a dis che d'no 'l criteri,
Na vous creusa a dis che d'sì.
Brut regal per nostra età
Coul d'un'anima eleva !
Torna, torna ant to canton,
Guarda ‘1 mond e fa d'cansson.
La la la la
Regni e sità,
Pouver dla strà,
Tut as na va.
Da un pcit ciair d'na tour lontana
Vdend l'Italia sbalucà,
J'eu cherdù ch'la gran campana
Rimbombeiss dia libertà.
Trist ingann ! L'era 'l batocc
D’la gran cioca d'i babocc !
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Liberai da brodarie,
Democratich da pension,
Mentre lour fasìo per rie,
E mi furb fasìa da bon.
Astu vist, astu capì
Esse olouch lo ch'a veul di ?
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Quanti mobil d'regia scala,
Quante boje dal col stort,
Quante cousse da timbala,
Quanti rat da solè mort,
Al bilanss tirand el pnass,
Son dventà d'Italianass !
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Dio preserva ch'am rincressa,
Vdend montè la pauta e ‘l mnis,
D'nen avei bast e cavessa
Marcandà per me pais !
Ma tut un a j'è d'vrità
Ch'as imparo a cheur desblà !
Torna, torna ant to canton,
Guarda ‘l mond e fa d'cansson.
La la la la
Regni e sità,
Pouver dla strà,
Tut as na va.
An disio: salve ‘l Statuto
Veule pà ? Fideve a noui;
Per vost ben venta ch'iv buto
Musarola, corda e froui.
Souma piassie : e peui ? plan plan
An Crimea con Turch e Alman.
Torna, torna ant to canton,
Guarda ‘l mond e fa d'cansson.
La la la la
Regni e sità,
Pouver dla strà,
Tut as na va.
A son triste le vicende ;
El present a l'è fatal ;
Pì un s'amassa a felo intende,
E pì 'l mond a capiss mal.
Del Piemont un vel d'malheur
A confond la ment e ‘l cheur.
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Ma gnun credda ant l'an sinquanta
El bon sens franch a rabel,
Quand un veul sgnachelo d'pianta,
S'leva 'l popol e a fa chiel.
Fin che stanch d'veddne a suffrì
Splenda ‘l Soul per coul gran dì,
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Fra j'aragn d'i catafus,
Son vint ani ch'i scrivìa
« Canta e rid da to pertus ».
I t'às fait un bel guadagn
A smentiè coui bravi aragn !
Torna, torna ant to canton.
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Gran contrast e gran misteri !
L'om se stess peul nen capì !
Mentre a dis che d'no 'l criteri,
Na vous creusa a dis che d'sì.
Brut regal per nostra età
Coul d'un'anima eleva !
Torna, torna ant to canton,
Guarda ‘1 mond e fa d'cansson.
La la la la
Regni e sità,
Pouver dla strà,
Tut as na va.
Da un pcit ciair d'na tour lontana
Vdend l'Italia sbalucà,
J'eu cherdù ch'la gran campana
Rimbombeiss dia libertà.
Trist ingann ! L'era 'l batocc
D’la gran cioca d'i babocc !
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Liberai da brodarie,
Democratich da pension,
Mentre lour fasìo per rie,
E mi furb fasìa da bon.
Astu vist, astu capì
Esse olouch lo ch'a veul di ?
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Quanti mobil d'regia scala,
Quante boje dal col stort,
Quante cousse da timbala,
Quanti rat da solè mort,
Al bilanss tirand el pnass,
Son dventà d'Italianass !
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Dio preserva ch'am rincressa,
Vdend montè la pauta e ‘l mnis,
D'nen avei bast e cavessa
Marcandà per me pais !
Ma tut un a j'è d'vrità
Ch'as imparo a cheur desblà !
Torna, torna ant to canton,
Guarda ‘l mond e fa d'cansson.
La la la la
Regni e sità,
Pouver dla strà,
Tut as na va.
An disio: salve ‘l Statuto
Veule pà ? Fideve a noui;
Per vost ben venta ch'iv buto
Musarola, corda e froui.
Souma piassie : e peui ? plan plan
An Crimea con Turch e Alman.
Torna, torna ant to canton,
Guarda ‘l mond e fa d'cansson.
La la la la
Regni e sità,
Pouver dla strà,
Tut as na va.
A son triste le vicende ;
El present a l'è fatal ;
Pì un s'amassa a felo intende,
E pì 'l mond a capiss mal.
Del Piemont un vel d'malheur
A confond la ment e ‘l cheur.
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
Ma gnun credda ant l'an sinquanta
El bon sens franch a rabel,
Quand un veul sgnachelo d'pianta,
S'leva 'l popol e a fa chiel.
Fin che stanch d'veddne a suffrì
Splenda ‘l Soul per coul gran dì,
Torna, torna ant to canton,
Guarda 'l mond e fa d'cansson.
La la la la
Regni e sità,
Pouver dla strà,
Tut as na va.
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
