Lingua   

Davide Van De Sfroos: La balàda del Genesio

GLI EXTRA DELLE CCG / AWS EXTRAS / LES EXTRAS DES CCG
Lingua: Italiano (Lombardo "Laghèe")



Se ciàmi Genesio o ho fàa un pöe de tütt
Puèta e špazzèn, astronauta e magütt
Ho pirlàa per el muund fino all'ultimo chilometro
Innàanz e indree cumè el mercurio nel termometro…

Sun nàa in söe la löena dumàa cunt i öčč
Ho šparàa cuntra 'l téémp, ho desfàa i urelòčč
Ho pregàa mìla vóólt senza nà giù in genöčč
Ho giüràa cunt el smoking e a pee biùtt piee de piöčč…

M'è tucàa imparà che la röeda la gira
Che ogni tant se štravàca el bücéér de la bira
Tra furtöena e scarogna gh'è una corda che tira
Quaand che el diàul el pìca, el ciàpa la mira…

Sun štàa l'incüdin e quaj volta 'l martèll,
Ho dato retta al cuore e quaj volta a l'üsèll
Nel böčč de la chitàra ho šcundüü questa vita,
Sia i pàgin in rùss che quij scriüü a matita…

El curtèll in una màn e nell'oltra un màzz de fiuu
Perché l'amuur e la móórt i henn sempru lè šcundüü
Ogni dè nàvi via cun un basèn o una pesciàda
Cul destèn de dree di špàll per mulàmm 'na bastunàda

E de ogni mia dóna se regórdi 'l suriis
Anca se cun nissöena sun rüàa aj beniis
Tanti dónn che in sacòcia gh'eren scià el paradiis
Insèmm al rusètt i hann lassàa i cicatriis…

Šcapàvi e inseguivi senza mai ciapà fiaa
Curiàndul nel veent…fiuu senza un praa
Una tròtula mata sempru in gir senza sošta
Un boomerang ciùcc senza mai una risposta…

Zìngher e sciuur sempru söel mè binari
Suta un'alba e un tramuunt püssèe rùss del Campàri
Ma i ricordi i hènn smaǧǧ e me spècia el dumànn
El me spècia incazzàa cun scià i buumb a màn…

Sigarètt senza nomm e bücéér senza štoria
Hann fàa i ghirigori nella mia strana memoria
Tatüaǧǧ invisìbil che me càgnen de nòčč
E una vita tiràda cumè un nastro de scotch…

La mia ciciaràda làssa el téémp che la tröeva,
Vardi el cieel de nuèmbra cun la sua löena nöeva
Sun el Genesio, e questu l'è tütt…
Cun qualsiasi vestii, suta…sun biùtt...

Cun qualsiasi vestii, suta…sun biùtt.


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org