Lingua   

Dormi e vola

Lautari
Lingua: Siciliano


Lautari


Dormi gioia dormi figghiu
dormi sempri ca è megghiu
’nta sta terra nun c’è furtuna
dormi e vola supra ’a luna

Sogna d’essiri un giganti
sogna d’essiri tutta la genti
sogna d’essiri lu mari
e cu’ tutti li pisci jucari

E jucari cu’ tutti li cosi
e cantari ammenzu a li rosi
e cantari canzuni di gioia
e d’o munnu farini puisia

sogna di cantari ’nte strati
sogna d’essiri ’u suli ’nta stati
sogna d’essiri sempri cuntentu
e lu chiantu addiventa cantu

Dormi gioia dormi amuri
sogna d’essiri tutti ’i culuri
li culuri di l’arcubalenu
sogna sempri di stari luntanu

E luntanu di ’sta terra
unni puru l’amuri è guerra
unni lu to’ cori è nenti
e ’i to’ lacrimi nun su’ ’mpurtanti

’Nti sta terra nun c’è furtuna
dormi e vola supra ’a luna
joca sempri cu’ tutti li cosi
canta sempri ammenzu a li rosi



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org