Language   

Ballata pi Peppi Fava

Ignazio Buttitta
Language: Sicilian



E per l’ultima ammazzata
e per l’ultima cunnanna che la mafia
o putiri a Sicilia ci manna.
Oh sintinza studiata
ca la vita unn’è scummissa
quannu ammazzannu un nemicu
a matina vannu a missa.
Si sapiva che Peppi Fava
era acerrimu nemicu
e fu giusta la sintinza
se a Catania facia spicu.
Prima d'iddru cintinaia
ci ni sunnu dintra i fossi,
arristaru ‘nda memoria
di cu campa e di cu morsi.
Vi facissi u nomi e tutti sunn’avissi
u chiantu a gula pi ta terra ca ogni
ghiornu perdi un figliu e resta sula.
Cuminciassi cu l’Alongi
cuntadinu prizzitanu
e cu Bernardinu Verru,
aviva u cori quantu un chianu,
cu La Torri e cu Chinnici abbracciati
cu la gloria, ca pi seculi e pi seculi
sunnu vivi e fannu storia.
Pi Turiddu Carnivali, Panepintu
e Terranova e li figli senza patri
ammazzati cu la droga.
Sta Sicilia che è un’isola
puviredda ‘nmezzu u mari
ma ‘nda un munnu p’accattarla
un c’è oru e un c’è dinari.
Peppi Fava ci cridiva e parlava
o popolinu, un c’è terra comu a nostra,
ci nasciu e ci caminu.
Na lupara ni dda notti
c’abbrusciau li pinni e l’ali
e nun sacciu se è miraculu
siddu perdi e un po’ vulari.
La Sicilia e la Mafia diffirenti
su sti cosi, differenti pi natura
comu diri spini e rosi.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org