Language   

Don Salvatò

Enzo Avitabile
Language: Neapolitan


Enzo Avitabile


Don Salvatò ca nce guardate ra coppa
sicuramente risultammo ridicole
cu tutte chisti veli annanze all’uocchie
nuje figli e chesta terra, e chesta vita
nuje ca parlamme troppe spisso
pure senza essere interrogati
nuje ca mo nu guaje mo na disgrazia
pare ca nce simmo abituati

Don Salvatò gli alberi chiagneno
i frutti se sò nfracidati
veleno fummo e cielo grigio
quanno a mana vosta nun è arrivata
e po’ a paura accanno a nuje
miezzo i deserti ‘ra miseria
carogne puorc’, sang’ cruro
e mane sporche, a famm’ e a sete

Don Salvatò a che nce serve
tutta chesta educazione
si po’ ogne scarpa se fa vecchia
e si nun more è nu scarpone
e si vaje co core nisciuno t’aiuta
riesti sulo schiavo ru pudore ca
te fà fesso e cuntento
e po’ na spina rinto o core
Don Salvatore, Don Salvatore

Don Salvatore che nce ne facimme?
Ro credere ra speranza e re l’opere bone
se poje o destino o decidite vuje
e nuje nun avimme maje ragione
e popolo arabo o popolo balcanico
tiempo moderno o tiempo antico
Don Salvatò nu poco e pacienza
si nuje ancora niente avimmo capito

Don Salvatò sotto a tavola vosta
na tozzola e pane quanno care
nu surse e vino ru figlio vuosto
sang’ e chiuove miezzo e mane
e si vaje co core nisciuno t’aiuta
riesti solo schiavo ru pudore ca
te fà fesso e cuntento
e po’ na spina rinto o core
Don Salvatore, Don Salvatore



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org